Ажәабжьқәа

Популярное

Аҧсны асахьаҭыхыҩцәа Реидгылара 80-шықәса ахыҵра иазку ацәыргақәҵа Аҟәа ақалақь аҿы имҩаҧысуеит

585
04.12.2019 15:20
Аҧсны асахьаҭыхыҩцәа Реидгылара 80-шықәса ахыҵра  иазку ацәыргақәҵа Аҟәа ақалақь аҿы имҩаҧысуеит
Аҧсны асахьаҭыхыҩцәа Реидгылара, Аҟәатәи асахьаҭыхратә Ҵараиурҭа арҵаҩцәа раҧшьгарала 1939 шықәса рзы иаҧҵан.

Аҟәа. Ҧхынҷкәынмза 4. Аҧсныпресс. Ҧхынҷкәынмза 10 рзы ацәыргақәҵатә зал Хада аҿы, Аҧсны асахьаҭыхыҩцәа Реидгылара 80-шықәса ахыҵра  иазку ацәыргақәҵа аатуеит. Аусмҩаҧгатә аиҿкааҩцәа – Аҧсны акультура Аминистрреи асахьаҭыхыҩцәа Реидгылареи.

Аҧсны асахьаҭыхыҩцәа Реидгылара, Аҟәатәи асахьаҭыхратә Ҵараиурҭа арҵаҩцәа раҧшьгарала 1939 шықәса рзы иаҧҵан. Аҧснытәи асахьаҭыхыҩцәа раҧхьатәи рцәыргақәҵа 1940 шықәса рзы имҩаҧысит.

1947 шықәса рзы Аҟәа ақалақь аҿы 1941-1945 шш. Аџьынџьтәылатәи еибашьра Дуӡӡа аҿы Аиааира агареи, аибашьрашьҭахьтәи ааглыхра аргылареи аҿиареи ирызкыз Аҧсны асахьаҭыхыҩцәа рцәыргақәҵа ду аатит. 70-тәи ашықәсқәа аҿыханҵатә ҟазара аусхкы аҿы амилаҭтә занааҭтә кадрқәа реизҳара ашықәсқәа ҳәа иҧхьаӡоуп. Уи ареспублика анҭыҵгьы ацәыргақәҵақәа рымҩаҧгаразы алшара шьахә аҧнаҵеит.

1992-1993 шш. Аҧсны Аџьынџьтәылатәи еибашьра ашьҭахь, аҧсуа сахьаҭыхыҩцәа, раҧхьатәи аибашьрашьҭахьтәи ашықәсқәа рзы имаҷымкәа ауадаҩрақәа шыҟазгьы, хра злоу русура нарыгӡон. Уи дырҵабыргоит Аҧсны анҭыҵ – Шәача, Краснодар, Ростов-наДону, Саратов, Санкт-Петербург, Москва, уҳәа ақалақьқәеи, иара убас Нхыҵ Кавказтәи ареспубликақәеи рҿы еиҿкаахоз аинтересс ду зҵоу ацәыргақәҵақәа жәпакы.

Есышықәса Аҧсны асахьаҭыхыҩцәа Реидгылара ашықәс аҩныҵҟа инагӡоу аусура аихшьаалақәа рыла, ацәыргақәҵақәа еиҿнакаауеит. Араҟа иҷыдоу апремиақәа рыла иарбахо иреиҕьу аусумҭақәа алкаахоит. Уи, жәаҳәарада, аҧснытәи асахьаҭыхыҩцәа русура агәазҭазаара шьахә анаҭоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа