Ажәабжьқәа

Популярное

Аҳҭнықалақь абжьаратәи ашкол №2 аҿы аиҭашьақәыргылара-ргыларатә усурақәа хыркәшахоит хәажәкырамза анҵәамҭаз

2241
19.02.2020 17:17
Аҳҭнықалақь абжьаратәи ашкол №2 аҿы аиҭашьақәыргылара-ргыларатә усурақәа хыркәшахоит хәажәкырамза анҵәамҭаз
Валери Бганба Аҟәатәи абжьаратәи ашкол №2 аҿы имҩаҧысуа аиҭашьақәыргылара-ргыларатә усурақәа рцашьа гәеиҭеит.

Аҟәа. Жәабранмза 19. Аҧсныпресс. Дамеи Касланӡиа. Аҧсны Аҳәынҭқарра Ахада инапынҵақәа назыгӡо, аҧыза-министр Валери Бганба, абылра иахҟьаны ааха зауз Аҟәатәи абжьаратәи ашкол №2 аҿы имҩаҧысуа аиҭашьақәыргылара-ргыларатә усурақәа рцашьа гәеиҭеит.

Ашкол адиректор Ирина Повирскер лажәақәа рыла, уажәы ахәыҷқәа х-сменак рыла аҵара рҵоит: “Жәаҳәарада, ари арежим ахәыҷқәа рзы маҷк иуадаҩуп. Аурокқәа еиҭашьақәыргылоу ашкол акорпус аҿы имҩаҧысуеит. Зынӡа ҳара ҳҿы аҵара зҵо ахәыҷқәа рхыҧхьаӡара  1 250-ҩык рҟынӡа инаӡоит”.

Аҧсны аҳәынҭқарратә Еилакы “Аҧсныргылара” анџьныр хада Амиран Лагәлаа иҟаиҵаз адыррақәа рыла, ашкол акорпусқәа ҩба жьҭаарамзазы ахархәарахь ирыҭан: “Уажәы аиҭашьақәыргыларатә усурақәа ажәытәтәи, ҩ-еихагыларакны иҟоу аҭоурыхтә хыбраҟны имҩаҧысуеит. Аҩбатәи аихагылараҟны аусурақәа зегьы маҷк ада инагӡоуп, аҭыӡқәа рышәреи ауадақәа реилыргареи рыда. Аҩны аҿаҧшыларатә ган иадҳәалоу аусурақәа ахыркәшарахь инеихьеит. Хәажәкырамза 5 рзы аҩбатәи аихагылара ахархәаразы аҭара азҧхьагәаҭаны иҳамоуп. Уи аамышьҭахь уаҟа аурокқәа рымҩаҧгара ҟалоит. Актәи аихагылараҿы макьаназы аусурақәа мҩаҧыслоит, ашьыхра иадҳәалоу ауадаҩрақәа ыҟан, иахьа аплитка ашьҭаҵара ҳалагоит, анаҩс – апаркеттә дашьма ықәаҳҵоит. Актәи аихагылара аҿы аусурақәа рхыркәшара хәажәкырамза анҵәамҭазы иазҧхьагәаҭаны иҳамоуп, усҟан ашкол инагӡаны аусура иалагоит”.



Аобиект аҭаара аихшьаалақәа рыла, Валери Бганба атехнологиақәа еиламгакәа аҩычаратә усурақәа рымҩаҧгара еиҳа идырццакырц азы аргылаҩцәа анапынҵақәа риҭеит: “Хәажәкырамза нҵәаанӡа ари аҵараиурҭа ауадақәа зегьы ахархәарахь хымҧада ирыҭатәуп. Аспортзал, абиблиотека, уҳәа аклассқәа зегьы иахәҭоу ала ирхиазароуп”.


(АП): Аҟәа ақалақь аҿы А. С. Пушкин ихьӡ зху абжьаратәи ашкол ахыбра амца акра азы адырра иҷыдоу аҭагылазаашьақәа рзы Аминистрра ахь инеит ашьжьымҭан, лаҵарамза 2 рзы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа