Ажәабжьқәа

Популярное

Зураб Амқәаб: амаамынқәа ахьҭа бзианы ирхыргарц азы рыкрыфара иацҵахоит

306
04.01.2017 08:39
Зураб Амқәаб: амаамынқәа ахьҭа бзианы ирхыргарц азы рыкрыфара иацҵахоит
“Амаамын ашықәс” хыркәшахеит. Атерапиеи аексперименталтә паталогиеи рзы Аҭҵаарадырратә Институт иаҵанакуа амамынқәа рааӡарҭа аӡынтәи аамҭахәҭа иалагӡоу аусура атәы Аҧсныпресс акорреспондент диҿцәажәо еиҭеиҳәеит аинститут аиҳабы Зураб Амқәаб.

Аҟәа. Ажьырныҳәа 4. Аҧсныпресс. Дырмит Басариа. Ахьҭақәа шыҟалазгьы, Аҟәатәи амаамынқәа рааӡарҭаҿы ишьақәгылаз аусура маҷк ада аиҭакрақәа анымҧшӡеит. Абри атәы Аҧсныпресс акорреспондент диҿцәажәо еиҭеиҳәеит аинститут аиҳабы Зураб Амқәаб.

“Аинститут ашьақәгыларазы Аҧсны машәыршақә иалхымызт. Избан акәзар, Асовет Еидгыла ареспубликақәа зегьы рҟынтәи Аҧсны амаамынқәа ҧсабарала ирзааигәоу аклимат ыҟоуп ҳәа иалкаан. Убри аҟнытә аинститут аҿы иҟоу амаамынқәа аӡынрагьы рыҟазаара маншәалоуп. Уи азы амаамынқәа зҭаку аҩныҵҟатәи аволиерқәа ҳарҧхоит”.

Зураб Амқәаб иажәақәа рыла, амаамынқәа рыхқәак аӡынрагьы активла рхы мҩаҧыргоит: “амра анҧхо урҭ лассы-лассы адәахьы ицәырҵны амра рҽаҭаны итәоит. Иаагозар, апавиан гамадрил ҳәа изышьҭоу амаамынқәа аҧшқақәа рхылҵуеит. Убри инамаданы урҭ алеишәацәгьара анаадырҧшуагьы ҟалалоит”.

“Ааӡамҭақәа рзы аҟашәа иҷыдоу афабрика аҿы иҟарҵоит. Уи аҵиаақәа, акәтаҕь, уҳәа авитаминқәеи амикроелементқәеи злоу аҟашәа роуеит. Аӡынразы, амаамынқәа ахьҭа бзианы ирхыргарц азы рыкрыфара иацҵахоит”, – ҳәа иҳәеит аинститут аиҳабы.

Убри аан, Зураб Амқәаб, аинститут аусура аӡынтәи аамҭахәҭа азы иаанкылаӡом ҳәа азгәеиҭеит. Уажәазы, аподагра, Бехтерев ичымазара, уҳәа ачымазарақәа рҟынтәи ахәшәқәа рыҧшааразы, 100 маамынк инарзынаҧшуа злахәу атесттә гәаҭарақәа мҩаҧысуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа