Ажәабжьқәа

Популярное

Зураб Ачбеи Ешсоу Какалиеи рмаҵураҭыҧ аҟынтәи рхы иақәиҭтәуп

430
02.12.2019 19:04
Зураб Ачбеи Ешсоу Какалиеи рмаҵураҭыҧ аҟынтәи рхы иақәиҭтәуп
Уи азы Ақәҵарақәа рыдыркылеит Жәлар Реизара – Апарламент аилатәара аҿы.

Аҟәа. Ҧхынҷкәынмза 2. Аҧсныпресс. Лана Ҵәыџьҧҳа. Жәлар Реизара – Апарламент изаамҭанытәиим аилатәара аҿы адепутатцәа Аҧсны Аҳәынҭқарра Ахада апрокурор Хада имаҵураҭыҧ аҟынтәи ихы ақәиҭтәра азы иҟаиҵаз адгалара  иалацәажәеит.

Жәлар Реизара – Апарламент аилатәара аартуа, Жәлар Реизара аиҳабы Валери Кәарҷиа аилатәара аҿы адепутатцәа рҕьырак шыҟоу иҳәеит, насгьы амшхәаҧштә зҵаара рылеиҳәеит: “Араҟа иахьа ҳазлацәажәараны ҳаҟоу акадртә зҵаарақәа роуп: "Зураб Ачба Аҧсны апрокурор Хада имаҵураҭыҧ аҟынтәи ихы ақәиҭра азы” Ақәҵара, иара убас “Ешсоу Какалиа Аҧсны апрокурор Хада актәи ихаҭыҧуаҩ имаҵураҭыҧ аҟынтәи ихы ақәиҭра азы”Ақәҵара.

Аҳәынҭқарра-зинтә политиказы апарламенттә Еилакы ахантәаҩы Валери Агрба ишьақәгылаз аҭагылазаашьа дахцәажәеит: “Иҳаҩсыз амчыбжь азы, абҵарамза 22 рзы аҭыҧ зауз ахҭыс бааҧ инамаданы, Апарламент изаамҭанытәиим аилатәара мҩаҧнагеит. Амчратә структурақәа рхаҭарнакцәа ааҧхьара рыҭан, Апарламент аамҭа кьаҿ иалагӡаны ацәгьоура аилыргареи уи иалахәыз ахаҿқәа раарҧшреи дҵаны иқәнаргылеит. Аус ала игәҩароу аанкылоуп, ашаҳаҭҩцәа рҿахәы рҿыхра мҩаҧысуеит. Мышқәак ҵит – алҵшәақәа макьаназы иаарҧшӡам. Аҳәынҭқарра Ахада ашәарҭадара Ахеилак аилатәара мҩаҧигеит, уаҟа аҩныҵҟатәи аусқәа рминистр имаҵураҭыҧ аҟынтәи ихы ақәиҭтәреи, иара убри аамҭазы апрокурор хадеи уи ихаҭыҧуаҩи убасҵәҟьа рмаҵураҭыҧ аҟынтәи рхы ақәиҭтәра азы Жәлар Реизара – Апарламент ахь адгалара амҩаҧгара азы аӡбамҭа рыдыркылеит”.

Жәлар Реизара – Апарламент аҿы имҩаҧгаз имаӡоу абжьыҭирала, 19-ҩык адепутатцәа рақәшаҳаҭрала, Зураб Ачба имаҵураҭыҧ аҟынтәи ихы дақәиҭтәуп, 27-ҩык адепутатцәа рақәшаҳаҭрала, Ешсоу Какалиа апрокурор Хада ихаҭыҧуаҩ имаҵураҭыҧ аҟынтәи ихы дақәиҭтәуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа