Ажәабжьқәа

Популярное

Жәларбжьаратәи акциа “Акьыбатә чымазара заанаҵтәи адиагностика амчыбжь” Аҟәа ақалақь аҿы имҩаҧгахоит

86
09.10.2018 11:40
Жәларбжьаратәи акциа “Акьыбатә чымазара заанаҵтәи адиагностика амчыбжь” Аҟәа ақалақь аҿы имҩаҧгахоит
Аҧсны Аҳәынҭқарра атәылауаа рзы акциа алахәхара хәыда-ҧсадоуп.

Аҟәа. Жьҭаарамза 9. Аҧсныпресс. Жьҭаарамза 15 инаркны 19 рҟынӡа, Аҟәа ақалақь, Амилаҭтә онкологиатә Центр аҿы, Жәларбжьаратәи акциа “Акьыбатә чымазара заанаҵтәи адиагностика амчыбжь” мҩаҧгахоит.

Акциа мҩаҧнагоит Евразиатәи аонкологцәа Рфедерациа, Евразиатәи акьыбачымазара аҿагылара афонд, Аҭҵаара-дырратә центр “Евразийская онкологическая программа ЕАФО”, ауаажәларратә еиҿкаара “Юнити”, Амилаҭтә онкологиатә Центр. Иарбоу акциа, Аҧсны агәабзиарахьчара Аминистрра ақәыршаҳаҭрала, Аҧснытәи Ауаажәларратә ҿиара афонд “Амшра”, иара убас Аҧсны агәабзиарахьчара Аминистрра иатәу аҳәынҭқарратә усбарҭа “НОЦ” раҧшьгаралеи рыцхырааралеи имҩаҧгахоит.

Ачымазҩцәа рыдыркылоит азеиҧш практика ала аус зуа аонкологцәа, аонколог-гинекологцәа, лор-онколог, амаммолог, адермотолог-онколог, уҳәа егьырҭ ахырхарҭақәа рыла аус зуа, адунеи аҿы еицырдыруа, ззанааҭтә ҩаӡара ҳараку аҳақьымцәа. Акциа иалахәхоит иара убас Амилаҭтә онкологиатә Центр аҳақьымцәагьа.

Акциа аҳәаақәа ирҭагӡаны 250-ҩык инарзынаҧшуа ргәаҭара азҧхьагәаҭоуп. Аҧсны Аҳәынҭқарра атәылауаа рзы акциа алахәхара хәыда-ҧсадоуп.

Адкылара мҩаҧыслоит заанаҵы амҩаҧгахо аҭаҩрақәа инарықәыршәаны. Раҧхьатәи агәаҭара ахысразы абри аҭел: +7 (840) 226-45-19 ала заанаҵтәи аҭаҩра мҩаҧгахоит. Аҭаҩра хацыркхоит жьҭаарамза 11, асааҭ 10:00 рзы. Аҳақьымцәа русура аграфик: асааҭ 09:00 инаркны асааҭ 17:30 рҟынӡа. Апациентцәа ирымазар ахәҭоуп аҩныҵҟатәи атәылауаҩратә паспорт.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа