Ажәабжьқәа

Популярное

Жәлар Реизара-Апарламент адепутатцәа Аџьатә Кодекс ианалацәажәа ашьҭахь, аҧсшьарахь ицеит

609
05.08.2016 12:41
Жәлар Реизара-Апарламент адепутатцәа Аџьатә Кодекс ианалацәажәа ашьҭахь, аҧсшьарахь ицеит
Жәлар Реизара-Апарламент аилатәара аҩбатәи аҧхьараҿы Ареспублика Аҧсны Аџьатә Кодекс рыдыркылеит.

Аҟәа. Нанҳәамза 5. Аҧсныпресс. Елена Полуиан. Азакәан апроект адгалара мҩаҧго, агәабзиарахьчареи аџьеи асоциалтә политикеи рзы апарламенттә Еилакы ахантәаҩы Апполон Гәыргәылиа ишазгәеиҭаз ала, ҷыдала иаҧҵаз аусуратә гәыҧ иарбоу аусшәҟәы хы-шықәса ирылагӡаны аус адулара иаҿын. Абар 22-шықәса ирҭоуп Аҧсны Аҳәынҭқарра Аџьатә Кодекс ада ишьақәгылоуижьҭеит. Ажәлар уи адкылара иазыҧшуижьҭеи акрааҵуеит”, – ҳәа азгәеиҭеит Апполон Гәыргәылиа.

Ахәҭакахьала, аусуратә гәыҧ анаҧхгаҩы Вагаршак Косиан уи алахәылацәа зегьы ҭабуп ҳәа реиҳәеит: “Иҟалап аҧсҭазаара иара ахатәы еиҭакрақәак аланагаргьы. Аха уи ҳаҧхьаҟа иҟало усуп. Атәыла аҿы аус зуа ауааҧсыра рхаҭарнакцәа Акодекс иацны закәанла ишьаҭарку азинқәеи шроуа, урҭ усуратә ҭыҧла еиқәзыршәо ракәзар, ирыду аҭакҧхықәра рдыруа ишыҟало агәра ганы сыҟоуп”.

Азакәан апроект адгылара алҭеит Апарламент аиҳабы ихаҭыҧуаҩ Емма Гамсаниаҧха: “Аџьатә Кодекс ада аусура ахьынӡамариамыз аадыруеит. Иахьа аусуратә гәыҧ абзоурала уи аҧҵоуп! Гәахәара дула уи азы сыбжьы сҭиуеит”.

itogigolosovaniya.jpg

Аилатәараҿы иара убас, “Ареспублика Аҧсны Аџьатә Кодекс алагалара азы” азакәан апроект рыдыркылеит. Аусшәҟәы инақәыршәаны, Акодекс 22-тәи ахәҭаҷ азакәан мчы аиуеит 2019 шықәса азы. Азакәан апроект далацәажәо, Давид Сангәылиа ишазгәеиҭаз ала, ”ари ахҭыс аҟалара аобиективтә ҵаҵҕәы аман. Избан акәзар, уаанӡа иҟаз афинанстә лшарақәа ирыхҟьаны, анхаратә минимум аҵкыс илаҟәым аулафахәы ашьақәыргылара зыҟаломызт”.

Аилатәара ахыркәшамҭаз, Жәлар Реизара-Апарламент аиҳабы Валери Бганба, цәыббра 8 инаркны Апарламент адепутатцәа аҧсшьарахь ишцо азы алаҳәара ҟаиҵеит.

nspra_050816.jpg

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа