Ажәабжьқәа

Популярное

Заур Гәлиа анефт аалыҵқәа раагара азы аҧҟарақәа аиҭакрақәа ралагалара рзы: абылтәыла аиқәыршәара ирыдҳәалоу апроцессқәа рырманшәалара аметодқәа ралагалара мҩаҧысуеит

323
19.11.2019 15:04
Заур Гәлиа анефт аалыҵқәа раагара азы аҧҟарақәа аиҭакрақәа ралагалара рзы: абылтәыла аиқәыршәара ирыдҳәалоу апроцессқәа рырманшәалара аметодқәа ралагалара мҩаҧысуеит
Аекономика аминистр ихаҭыҧуаҩ инапынҵақәа назыгӡо Заур Гәлиа абрифинг мҩаҧигеит.

Аҟәа. Абҵарамза 19. Аҧсныпресс. Ҭамара Ачҧҳа. Аҧсны аекономика Аминисрра аҿы, аминистр ихаҭыҧуаҩ инапынҵақәа назыгӡо Заур Гәлиа анефт аалыҵқәа раагара азы аҧҟарақәа аиҭакрақәа ралагалара далацәажәеит.

Заур Гәлиа Урыстәылатәи Афедерациеи Аҧсни ахәаахәҭразы ирыбжьоу Аиқәшаҳаҭра – аҩганктәи ахәаахәҭра-економикатә еизыҟазаашьақәа шьақәзыргыло аусшәҟәы дуқәа иреиуоуп ҳәа инаҵшьны иазгәеиҭеит.

Заур Гәлиа Аиқәшаҳаҭра иалагалоу аиҭакрақәа дырзааҭгылеит: “Анефт аалыҵқәа Урыстәылатәи аган иазҧхьагәанаҭо алагаларатә ҳазылхратә баџь ахшәаарада Аҧсныҟа аагара мҩаҧысуеит. Анефт аалыҵқәа максималла Аҧсны рхархәара Урыстәыла аенергетика Аминистрреи Аҧсны аекономика Аминистрреи рнапхгараҭара ала знапаҵыҩра мҩаҧгоу аҧкаанҵақәа рҿы иазгәаҭахоит. Араҟа конкретла иарбахоит ахархәара зауа абылтәы – 95 и 92, адизелтә былтәы уҳәа ашәагаа. Убас, иааизакны уахәаҧшуазар, 92-тәи абензин абаџь ахшәаарада Аҧсныҟа алагалара ҟалоит 46 нызықь тонн рҟынӡа. Уи ахыхь иаагахо зегьы Урыстәылатәи Афедерациа аҿы алагаларатә ҳазылхратә баџь ақәҵахоит”.

Убри аан, Заур Гәлиа иазгәеиҭеит: “Аҧсныҟа иаагахо абылтәы ашәагаа, абжьааҧны еиҧш, ҳреспублика аҭаххрақәа зегьы хнаҩоит. Абар иаагозар, сынтәа ишьақәырҕәҕәоу ахыҧхьаӡаратә рбагақәа: 95-тәи абылтәы – 13 нызықь тонн, адизельтә былтәы – 20 нызықь тонн, анефттә битум – 7 нызықь тонн”.

Заур Гәлиа иажәақәа рыла, Аиқәшаҳаҭра аиҭакрақәа ралагалара ахымҧадатәра аганқәа русеицура аҿиареи аиҕьтәреи ирыдҳәалоуп: “Уажәаҧхьа сызлацәажәоз иҿыцу амеханизм иааиуа ашықәсқәа рзы хра злоу алҵшәақәа аанарҧшуеит. Ҳара астатистика еиҳа ииашаны амҩаҧгара азы алшара ҳауеит. Ари атехникатә усшәҟәы ауп. Аха, рыцҳарас иҟалаз, абылтәы ахәҧса лаҟәӡом, аха иагьхалаӡом. Ҳара ҳзы иҟаз аҭагылазаашьа шыҟац иаанхоит, аха убри аан уи иадҳәалоу азакәанҧҵара еиҳа еилкаахоит, абылтәыла аиқәыршәара ирыдҳәалоу апроцессқәа рырманшәалара аметодқәа ралагалареи анорма-зинтә шьаҭа аиҕьтәреи мҩаҧысуеит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа