Ажәабжьқәа

Популярное

Ҭырқәтәылеи Иорданиеи иқәынхо аҧсуа диаспора ахәыҷқәа рзы аҧхынтәи алагерь “Ахьышьҭрахь-2019” аатит

129
02.07.2019 11:53
Ҭырқәтәылеи Иорданиеи иқәынхо аҧсуа диаспора ахәыҷқәа рзы аҧхынтәи алагерь “Ахьышьҭрахь-2019” аатит
Ҧхынгәымза 1 рзы Аҧсны, Ҭырқәтәылеи Иорданиеи иқәынхо аҧсуа диаспора ахәыҷқәа рзы, жәымшы аус зураны иҟоу аҧхынтәи алагерь “Ахьышьҭрахь-2019” аатит.

Аҟәа. Ҧхынгәымза 2. Аҧсныпресс. Лана Ҵәыџьҧҳа. Аҧсны аџьынџьуаа рҭоурыхтә ҧсадгьыл ахь рырхынҳәразы Аминистрра, Аҟәа ақалақь, Алашарбага аҳабла аҿы, Ҭырқәтәылеи Иорданиеи иқәынхо аҧсуа диаспора ахәыҷқәа рзы аҧхынтәи алагерь “Ахьышьҭрахь-2019” еиҿнакааит.

Аҧсны аџьынџьуаа рҭоурыхтә ҧсадгьыл ахь рырхынҳәразы аминистр ихаҭыҧуаҩ Џьамбул Инџьгиа иажәақәа рыла, иарбоу алагерь 70-ҩык инареиҳаны,12-17 шықәса зхыҵуа Ҭырқәтәылеи Иорданиеи иқәынхо аҧсуа диаспора ахәыҷқәа аднакылеит.

“Жәымш ирылагӡоу апрограмма еиқәыршәоуп. Ахәыҷқәа рзы аҭыҧ ҧшӡарақәеи аҭоурых ҭыҧқәеи рахь еиуеиҧшым аныҟәарақәа мҩаҧгахоит. Апрограмма аҳәаақәа ирҭагӡаны, алагерь алахәылацәа Аҳәынҭқарра Ахада иҧылоит”, – ҳәа адырра ҟаиҵеит Џьамбул Инџьгиа.

Иара убас, Џьамбул Инџьгиа иажәақәа рыла, аҿар Аҧснытәи аҳәынҭқарратә Университет иаҭаараны иҟоуп. Араҟа дара рзы ҷыдала аиҧылара еиҿкаахоит. “Иҟалап, ашкол ианалгалак ашьҭахь урҭ Аҧснытәи аҳәынҭқарратә Университет аҭаларазы агәаҳәара рызцәырҵыргьы", – ҳәа иҳәеит иара.

"Арҭ ахәыҷқәа раҧхьаӡа акәны рҭоурыхтә ҧсадгьыл иаҭаауеит, убри аҟнытә урҭ рыҧсадгьыл ахь абзиабара рылааӡара ҳуалны иаҳаҧхьаӡоит", – ҳәа иажәа хыркәшо иҳәеит Џьамбул Инџьгиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа