Ажәабжьқәа

Популярное

XV Ареспубликатә ашколхәыҷқәа рыспартакиада Аҟәа ақалақь аҿы иаатит

76
27.05.2019 14:55
XV Ареспубликатә ашколхәыҷқәа рыспартакиада Аҟәа ақалақь аҿы иаатит
Ашколхәыҷқәа рыспартакиада 14 спорттә хкы рыла имҩаҧыслоит. Уи Аҧсны араионқәа зегьы рҟынтәи 1 000-ҩык инарзынаҧшуа аспортсмен ҿарацәа рхы аладырхәраны иҟоуп.

Аҟәа. Лаҵарамза 27. Аҧсныпресс. Аҟәа ақалақь, Ареспубликатә стадион аҿы XV Ареспубликатә ашколхәыҷқәа рыспартакиада аартра иазкны аныҳәатә усмҩаҧгатә мҩаҧысит.

Аацҳамҭаа излаанацҳауа ала, ашколхәыҷқәа рыспартакиада 14 спорттә хкы рыла имҩаҧыслоит. Уи Аҧсны араионқәа зегьы рҟынтәи 1 000-ҩык инарзынаҧшуа аспортсмен ҿарацәа рхы аладырхәраны иҟоуп.

Аусмҩаҧгатә аартуа, аҵарадырреи аҭҵаареи рминистр Адгәыр Какоба иазгәеиҭеит: “Аспартакиада – ари зхатәы традициақәеи аҭоурыхи аҧызҵо, ақәҿиара дуқәа, иҿыцу арекордқәа, уҳәа рахь зхы хоу аҕба ду иаҩызоуп.

Аспортсмен изы аҧхьахә ҭыҧ аанкылара акәӡам зегьы реиҳа ихадоу, зегьы реиҳа ихадоу алҵшәа бзиа аарҧшра ауп, аиааира агара акәзар, уи аҽазыҟаҵарақәеи аамҭеи ирлылҵшәоуп. Аспортсмен дызнысуа амҩа зынӡа имариаӡам, убри аҟнытә уи иеихьӡарақәа разхаҵара акырӡа ихадоуп. Жәаҳәарада, аиааира иацуп агәырҕьара, аҵахара иацуп агәы ацәыхьшәашәара.  Аҧсҭазаараҿы ус иаҧуп”.

Адгәыр Какоба аспортсмен ҿарацәа разыҟаҵара аџьабаа адызбалаз зегьы ҭабуп ҳәа реиҳәеит. “Агәра ганы сыҟоуп, иахьа аспартакиада иалаху реиҳараҩык рзы ари атурнир  аспорт ду ахь раҧхьатәи ашьаҿақәа ахьыҟарҵо плошьадканы ишыҟало. Абас еиҧш атурнирқәа рҿы ауп аҟазшьа, амчхара, аиаара агара агәазыҳәара аӡрыжәра ахьымҩаҧысуа”, – ҳәа иҳәеит аминистр.

Аӡбаҩцәа рколлегиа напхгара аиҭоит Аҧсны Аҳәынҭқарра зҽаҧсазтәыз арҵаҩы, абҩарҵәыреи аспорти зҽаҧсазтәыз аусзуҩ, амилаҭтә категориа аӡбаҩ Аслан Ҭаркьыл.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа