Ажәабжьқәа

Владислав Арӡынба изкны уажәаҧхьа еиҭаҳәамыз ажәабжьқәа

217
12.05.2017 15:22
Владислав Арӡынба изкны уажәаҧхьа еиҭаҳәамыз ажәабжьқәа
“Владислав: иацы, иахьа, уаҵәы”, абас еиҧш ахы аман Владислав Арӡынба игәалашәара иазкны имҩаҧгаз аиҧылара.

Аҟәа. Лаҵарамза 12. Аҧсныпресс. Дамеи Касланӡиа. Аџьынџьуаа рыҧсадгьыл ахь рырхынҳәра азы аҳәынҭқарратә Еилакы аҿы Аҧсны Раҧхьатәи Ахада Владислав Арӡынба иира Амш азгәаҭара иазкны аиҧылара мҩаҧысит. Аусмҩаҧгатә рхы аладырхәит хаҭала Владислав Арӡынба дыздыруаз ауаа.

komrepatriacii_2_Sukhum_Abkhazia_120517.jpg

Аиҧылара аартуа, Аџьынџьуаа рыҧсадгьыл ахь рырхынҳәра азы аҳәынҭқарратә Еилакы ахантәаҩы Вадим Ҳаразиа иазгәеиҭеит: “Иахьа араҟа еизеит Владислав Арӡынба хаҭала дыздыруаз, иуадаҩу аамҭақәа рзы ивагыланы аус ицызуаз ауаа. Ҳара иаҳҭахуп урҭ иахьа Аҧсны Раҧхьатәи Ахада изку ргәалашәарақәа ҳзеиҭарҳәарц, избан акәзар еиҭаҳәаӡамкәа иаанханы иҟоу аҭоурыхқәа маҷым, урҭ зегьы идырҳатәуп.

Аџьынџьуаа рыҧсадгьыл ахь рырхынҳәра азы аҳәынҭқарратә Еилакы ахантәаҩы ихаҭыҧуаҩ Гәыгәыца Џьыкырба аусмҩаҧгатә иаҵоу аҵакы ахадара инаҵшьны иазгәалҭеит: ”Ҳара иаҳҭахуп ауаа еиҳа еиҕьны Владислав Арӡынба дырдыруа иҟаларц. Ашколқәа рҿы атәыла Раҧхьатәи Ахада изкны ирзеиҭарҳәо маҷуп. Иахьа ҳара Владислав аҧсҭазаара аҿы, аусура аҿы дшыҟазҵәҟьа ааҳарҧшыр ҳҭахуп”.

komrepatriacii_Sukhum_Abkhazia_120517.jpg

Аиҧылара аҿы иқәгылеит Аҟәатәи абжьаратәи ашкол №4 аҿы аҵара зҵо арепатрианцәа рхәыҷқәа. Урҭ Владислав Арӡынба изкны ажәеинраалақәеи ашәақәеи нарыгӡеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа