Ажәабжьқәа

Популярное

Владимир Арлан: Ирина Дочиа лҭагылазаашьа хар амамкәа иҟоуп

740
18.08.2016 12:41
Владимир Арлан: Ирина Дочиа лҭагылазаашьа хар амамкәа иҟоуп
Аҧсны ашәарҭадаратә Маҵзура ахантәаҩы ихаҭыҧуаҩ Владимир Арлан, ажурналистцәа рзы имҩаҧигаз абрифинг аҿы уаанӡа иҧааны иргахьаз Ирина Дочиа рхақәиҭтәра шыҟалаз азы адыррақәа ҟаиҵеит.

Аҟәа. Нанҳәамза 18. Аҧсныпресс. Лана Ҵәыџьҧҳа. Аҧсны ашәарҭадаратә Маҵзура ахантәаҩы ихаҭыҧуаҩ Владимир Арлан иҟаиҵаз адыррақәа рыла: “нанҳәамза 17 рзы Аҧсны ашәарҭадаратә Маҵзуреи урыстәылатәи амчратә структурақәа рхаҭарнакцәеи еицымҩаҧыргаз аусмҩаҧгатәқәа ирылҵшәаны, рашәарамза 2, 2016 шықәсазы, Аҟәа ақалақь иҧааны иргаз Ирина Дочиа, аҿыхҧса ада лхақәиҭтәра алыршахеит”.

Уажәазы, Аҧсны ашәарҭадаратә Маҵзура иҟанаҵо адыррақәа рыла, “Ирина Дочиа лыҩны дыҟоуп, уи лыҧсҭазаареи лгәабзиареи ашәарҭара иҭагылаӡам”.

“Уажәтәи аамҭазы, иарбоу ацәгьоура аиҿкааҩцәеи анагӡаҩцәеи рыҧшааразы аоперативтә усмҩаҧгатәқәа мҩаҧысуеит. Аусеилыргара аҧырхагамхара инамаданы, иарбоу ацәгьоура аиҿкаареи анагӡареи иалахәыз, мамзаргьы уи азы агәҩара зду рыхьӡқәа аамҭала иаарҧшхом. Ирина Дочиа аҿыхҧса аиуразы дырҧааит. Ацәгьоуразы макьаназы аӡәгьы даанкылаӡам. Ирина Дочиа дахьыҟаз аҭыҧ инықәырҧшшәа еилкаауп”, – ҳәа иҳәеит атәыла ашәарҭадаратә Маҵзура ахантәаҩы ихаҭыҧуаҩ Владимир Арлан.

Владимир Арлан Ирина Дочиа лхақәиҭтәра шымҩаҧысыз атәы еиҭеиҳәеит: “Ирина Дочиаҧҳа дҧааны данырга инаркны, мызки бжаки ирылагӡаны аусмҩаҧгатәқәа рынагӡара мҩаҧысуан. Аусура атәыла аҩныҵҟатәи аусқәа Рминистрреи апрокуратуреи рымадарала имҩаҧысуан. Аҵыхәтәантәи аетап аан, еиуеиҧшым амзызқәа ирыхҟьаны, урыстәылатәи ҳколлегацәа адыҧхьалара роуит. Иаци иацжәаци имҩаҧгаз аҵыхәтәантәи ауснагӡатәқәа ирыбзоураны, Ирина Дочиа лхы дақәиҭтәхеит”.

Владимир Арлан Ирина Дочиа лыҟазаара аҭыҧзы адыррақәа рзы аҧаратә ҳамҭа аҭаразы Аҧсны Ахада иҟаиҵаз алаҳәара инамаданы иазгәеиҭеит: “Уи ихымҧадатәииз атактикатә шьаҿа акәын. Аха иара убри аамҭазы, Ирина Дочиа лхақәиҭтәра иахәаша адыррақәа раиура ҟалазҭгьы, жәаҳәарада ирылаҳәаз аҧаратә ҳамҭа аиура хымҧадатәихон”.

Владимир Арлан зхы иақәиҭтәыз лҭагылаазашьазы аҵыхәтәантәи адыррақәа ҟаиҵеит: “Ирина Дочиаԥҳа лҭагылазаашьа хар амаӡам ҳәа азуҳәаратәы иҟоуп. Иҳамоу адыррақәа рыла уи мчымхарала илызныҟәаӡомызт”.

Ахыркәшамҭаз, Владимир Арлан, “иарбоу ацәгьоура аилыргара атәыла ашәарҭадаратә Маҵзуреи амилициеи рхылаҧшрала ақалақь апрокуратура имҩаҧнагоит” ҳәа адырра ҟаиҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа