Ажәабжьқәа

Популярное

Виачеслав Чыркба Европатәи Аидгылара ахьӡала Женеватәи аилацәажәарақәа рыцхантәаҩцәа алархәны аилатәара мҩаҧигеит

519
10.09.2015 11:14
Виачеслав Чыркба Европатәи Аидгылара ахьӡала Женеватәи аилацәажәарақәа  рыцхантәаҩцәа алархәны аилатәара мҩаҧигеит
Кавказнҭыҵтәи ашәарҭадареи аҭышәынтәалареи рзы Женеватәи аилацәажәарақәа 33-тәи араунд аламҭалазы Европатәи Аидгылара ахьӡала Женеватәи аилацәажәарақәа рыцхантәаҩцәа Аҧсныҟа иааит. 

Аҟәа. Сентиабр 10. Аҧсныпресс. Аиҧылараҿы аганқәа имҩаҧысраны иҟоу аилацәажәарақәа 33-тәи араунд амшхәаҧштә азҵаарақәа ирылацәажәеит. Аҧсны адәныҟатәи аусқәа рминистр Виачеслав Чыркба аҧсуа ган позитивла арҭ аиҿцәажәарақәа рылахәра ишазхиоу азгәеиҭеит. 

 “Алацәажәара азы иҟоу атемақәа маҷым. Аполитикатәи агуманитартәи азҵаарақәа рнаҩс аекологиа иадҳәалоу азҵаарақәа рылацәажәара азы алшара ахьҳауа даара гәахәарыла исыдыскылоит. Ҳара ҳахь даахьеит ашыц аиқәырхара азҵаара азы Женеватәи аспециалист”, – ҳәа иазгәеиҭеит Виачеслав Чыркба. 

Убри аан атәыла анҭыҵтәи аусқәа русбарҭа аиҳабы агуманитартә, акультуратә, аекологиатә зҵаарақәа аҵакы хада шрыҵоугьы, амч ахархәара мап ацәкра азы аиқәшаҳаҭра абжьаҵара – аиҿцәажәарақәа рхықәкы хаданы иҟоуп ҳәа азгәеиҭеит. 

“Ашәарҭадара азҵаара ҳара ҳзы акырӡа зҵазкуа акакәны ишыҟоу ҳхамышҭуазароуп. Убри аҟынтә ауп амч ахархәара мап ацәкра азы аиқәшаҳаҭра анапаҵаҩра зегьы изрыцку. Ари ҳара ҳастратегиатә хықәкуп”, – ҳәа инаҵшьны иазгәеиҭеит аминистр. 

Европатәи Аидгылара ахьӡала Женеватәи аилацәажәарақәа иҷыдоу ахаҭарнак Герберт Зальбер ииасыз араунд аеффективра алан ҳәа ахәшьара аиҭеит. 

“Иҳаҩсыз араунд аконструктивра алан, иҟоу абаза ала аусура шҳалшо арҵабыргит, уи иааиуа араунд аҿы инагӡаны ақәныҟәара хымҧадатәиуп”, - ҳәа иазгәеиҭеит Герберт Зальбер. 

Кавказнҭыҵтәи ашәарҭадареи аҭышәынтәалареи рзы Женеватәи аилацәажәарақәа 33-тәи араунд амҩаҧгара октиабр 6-7 рзы иазҧхьагәаҭоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа