Ажәабжьқәа

Популярное

Валери Кәарҷиа Урыстәылатәи Афедерациа Атәылахьчареи ашәарҭадареи русқәа рзы Афедерациа Ахеилак аделегациа идикылеит

551
11.10.2019 15:57
Валери Кәарҷиа Урыстәылатәи Афедерациа Атәылахьчареи ашәарҭадареи русқәа рзы Афедерациа Ахеилак аделегациа идикылеит
Аделегациа Аҧсныҟа аусуратә ҭаара мҩаҧнагоит.

Аҟәа. Жьҭаарамза 11. Аҧсныпресс. Аҧсны Жәлар Реизара – Апарламент ахантәаҩы Валери Кәарҷиа аусуратә визитла Аҧсны иаҭааз Урыстәылатәи Афедерациа Атәылахьчареи ашәарҭадареи русқәа рзы Афедерациа Ахеилак аделегациа идикылеит.

Аиҧылара аартуа, Валери Кәарҷиа иазгәеиҭеит: “Ҳара иҳабжьоуп “Апарламентбжьаратәи аусеицуразы” Аиқәшаҳаҭра. Ҳара лассы-лассы иаҳҭаауеит, гәахәаралагьы иҳадаҳкылоит Атәылахьчареи ашәарҭадареи русқәа рзы Афедерациа Ахеилак”.

Иара убас, Валери Кәарҷиа еизаз иргәалаиршәеит, ааигәа Москва ақалақь имҩаҧысыз  Аҧсны Аҳәынҭқарреи Урыстәылатәи Афедерациеи ртәылахьчара аминистрцәа реиҧылара атәы. Иарбоу аиҧылара аҳәаақәа ирҭагӡаны, Аҧсны Арбџьармчқәа рмодернизациа афинанстәра азы Аиқәшаҳаҭра анапаҵыҩра мҩаҧысит.

Ахәҭакахьала, Урыстәылатәи Афедерациа Атәылахьчареи ашәарҭадареи русқәа рзы Афедерациа Ахеилак ахантәаҩы актәи ихаҭыҧуаҩ Александр Ракитин адырра ҟаиҵеит: “Аҧсны аҭаара азҧхьагәаҭаны иҟан. Ҳара ҳаҭааит а-7-тәи арратә база, Аҳәаахьчратә Усбарҭа, аруааи акомандаҟаҵаҩцәеи ҳрыҿцәажәеит".

Убри аан, ахәҭакахьала, Урыстәылатәи Афедерациа Атәылахьчареи ашәарҭадареи русқәа рзы Афедерациа Ахеилак ахантәаҩы ихаҭыҧуаҩ Баир Жамсуев инаҵшьны иазгәеиҭеит: “Ҳара ҳҭаара ахықәкы хада – аибадырра ауп. Ахеилак жәларбжьаратәи арра-техникатә усеицура аҳәаақәа ирҭагӡаны арратә ргылара иадҳәалоу азҵааракәа напхгара анаҭоит. Афедератә Еизара аҿы аратификациа зҭаху иарбоу аусхкы иадҳәалоу Аиқәшаҳаҭрақәа зегьы ҳара Ҳхеилак аҿы иахәаҧшуеит, анаҩс ишьақәдырҕәҕәоит”.

Баир Жамсуев иажәақәа рыла, ас еиҧш аҭаарақәа рҿы Атәылахьчареи ашәарҭадареи русқәа рзы Афедерациа Ахеилак алахәылацәа Урыстәылатәи Афедерациа архәҭақәеи аҳәаахьчаҩцәа рырхәҭақәеи хымҧада иаҭаауеит.

“Ҳаҧхьаҟа апарламентбжьаратәи Акомиссиа аҿаҧхьа иӡбатәны иҟоу азҵаарақәа рацәоуп”, – ҳәа инаҵшьны иазгәеиҭеит Баир Жамсуев.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа