Ажәабжьқәа

Валери Кәарҷиа агазеҭ “Аҧсны” азы: уи есымша ажәлар ирзааигәаны иҟоуп

173
27.02.2019 12:28
Валери Кәарҷиа агазеҭ “Аҧсны” азы: уи есымша ажәлар ирзааигәаны иҟоуп
Аҧсны Жәлар Реизара – Апарламент аиҳабы агазеҭ “Аҧсны” аредактор хадеи аколлективи актәи аномер анҭыҵыз Амш 100-шықәса ахыҵра рыдиныҳәалеит.

Аҟәа. Жәабранмза 27. Аҧсныпресс. Аҧсны Жәлар Реизара – Апарламент аиҳабы Валери Кәарҷиа агазеҭ “Аҧсны” аредактор хада Енвер Ажьибеи, уи аколлективи актәи аномер анҭыҵыз Амш 100-шықәса ахыҵра рыдиныҳәалеит. 

Адныҳәалараҿы, ахәҭакахьала иазгәаҭоуп: 

“Ашәышықәса иалагӡаны агазеҭ “Аҧсны” аҧсуа бызшәала иҭыҵыз раҧхьаӡатәи агазеҭ акәны иҟан. Ареспублика ашьақәгылара аамҭахәҭа иацыз ауадаҩрақәа, уимоу атрагедиатә хҭысқәа ирхысит, убри аан уи аколлектив хьаҳәхьачарак ҟамҵаӡакәа ажәлар ринтересқәа рыхьчара иазырхаз аус нарыгӡон. 

Агазеҭ “Аҧсны” аҧсуа журналистика ашьақәгылараҿы, аҧсуа бызшәеи алитератцуреи, амилаҭтә традициақәеи акультуреи рыҿиареи реиқәырхареи рус аҿы инанагӡаз ароль ахә ашьара уадаҩуп. 

Иахьагьы ихьыҧшым Ареспублика аҿы агазеҭ есымша ажәлар ирзааигәоаны иҟоуп аҳаҭыр ду ақәуп, уи ахьааи агәырҕьареи рыцеиҩнашоит, адоуҳатә-патриоттә ааӡареи, ауаажәларратә гәаанагара ашьақәгылареи рҿы ихадоу ароль нанагӡоит, ҳреспублика аҩныҵҟа имҩаҧысуа апроцессқәа аанарҧшуеит. 

Аҧсны Жәлар Реизара – Апарламент аринахысгьы агазеҭ аҿиара адгылара аҭара иазхиоуп. Агазеҭ “Аҧсны” аколлектив апрофессонализми, ҭакҧхықәрала аус азнеиреи ирыбзоураны уи Ареспублика аизҳазыҕьара иазырхоу аусура шынанагӡало агәра ганы ҳаҟоуп”.  

Валери Кәарҷиа агазеҭ аколлектив аизҳазыҕьареи, аманшәалареи, арҿиаратә гәазҭазаареи рзеиҕьаишьеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа