Ажәабжьқәа

Популярное

Валери Бганба: ҳуааҧсыра акала ишьаҭаркым ахәшәқәа рыхәҧса ахалара иацәыҳахьчароуп

133
03.07.2019 13:00
Валери Бганба: ҳуааҧсыра акала ишьаҭаркым ахәшәқәа рыхәҧса ахалара иацәыҳахьчароуп
Аминистрцәа Реилазаара аҿы ауааҧсыра хәшәыла реиқәыршәара аеффективра аизырҳара иалацәажәеит.

Аҟәа. Ҧхынгәымза 3. Аҧсныпресс. Аҧсны аҧыза-министр Валери Бганба аҧыза-министр ихаҭыҧуаҩ, афинансқәа рминистр Џьансыхә Нанба, агәабзиарахьчара аминистр Ҭамаз Цахнакиа, иарбоу атема ахшыҩзышьҭра аҭара зыхәҭоу аструктурақәа рхаҭарнакцәеи аспециалистцәеи алархәны имҩаҧигаз аилатәара аҿы, ареспублика ауааҧсыреи, иҷыдоу амедицинатә усбарҭақәеи, зхаҭабзиара ҳараку ахәшәқәеи амедицинатә маҭәашьарқәеи рыла реиқәыршәареи, иара убас Аҧсны агәабзиарахьчара Аминистрра хықәкылатәи аҳәынҭқарратә программақәа рынагӡара амҩаҧысшьеи дрылацәажәеит. Абри атәы аанацҳауеит амнистрцәа Реилазаара аофициалтә саит.

Аацҳамҭа излаанацҳауа ала, аҧыза-министр ҷыдала ахшыҩзышьҭра аиҭеит ахәшәқәа рыхәҧса ашьақәгылара. Убри аан уи, ашәахтәқәеи аизгақәеи Рминистрреи, аекономикатә шәарҭадареи акоррупциа аҿагылареи Русбарҭеи рыла агәаҭаратә усмҩаҧгатәқәа рымҩаҧгара шхымҧадатәиу инаҵшьны иазгәеиҭеит: “Ҳара ҳуааҧсыра акала ишьаҭаркым ахәшәқәа рыхәҧса ахалара иацәыҳахьчароуп. Агәабзиарахьчара асистема иаҵанакуа аусбарҭақәа зегьы ахәшәқәа рзаазго ралхра ҭакҧхықәрала иазнеироуп. Еизаку афармацевттә еилазаарақәа рыҟны ахәшәқәа раахәараан иаоптималтәу ахәқәа рырбагақәа ирықәныҟәалатәуп, убри аан ахәҧса-ахаҭабзиара ҳәа изышьҭоу аихьыҧшызаара ақәныҟәара хымҧадатәиуп”.

Валери Бганба иҟаиҵаз адыррақәа рыла, Ареспубликатә биуџьет аҟынтәи агәабзиарахьчара аусхкы афинансттәра азеиҧш шәагаа 600 миллион мааҭ иреиҳауп, убри аан  аусзуҩцәа рулафахәы ашәаразы идәықәҵахоит 200 миллион мааҭ. Аҳәынҭқарра Анапхгара ахада аҭакзыҧхықә усбарҭақәа ирзоужьхо аҧаратә хархәагақәа рныхра еиҳа ҭакҧхықәрала азнеира  азы азҧхьанҵа риҭеит.

Аиҧылара аихшьаалақәа рыла, Валери Бганба иахәҭоу аҳәынҭқарратә усбарҭақәа азинҷыда змоу ауааҧсыреи, астационартә ҟәшақәа рҿы зҽызхәшәтәуа атәылауааи хәшәыла реиқәыршәара иадҳәалоу аҭагылазаашьа аиҕьтәра иазырхоу аусмҩаҧгатәқәа рынагӡаразы анапынҵақәа риҭеит. Убас, агәабзиарахьчареи афинансқәеи рминистрцәа мчыбжьык иалагӡаны иҟоу ауал ала ашәатәқәа рынагӡара аамҭаеихшара адгалара рыхәҭоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа