Ажәабжьқәа

Популярное

Валери Бганба: ашәахтә зымшәо зегьы хымҧада аҭакҧхықәра иақәыршәатәуп

447
03.12.2019 19:35
Валери Бганба: ашәахтә зымшәо зегьы хымҧада аҭакҧхықәра иақәыршәатәуп
Аминистрцәа Реилазаара аҿы Аҳәынҭқарратә биуџьет анагӡара иалацәажәеит.

Аҟәа. Ҧхынҷкәынмза 3. Аҧсныпресс. Аҧсны аҧыза-министр Валери Бганба аҧыза-министр ихаҭыҧуаҩ, афинансқәа рминистр Џьансыхә Нанба, ашәахтәқәеи аизгақәеи рзы аминистр Даур Кәырмазиа, аҳәынҭқарратә ҳазылхратә Еилакы ахантәаҩы Гәырам Инаҧшьба алархәны имҩаҧигаз аилатәара аҿы, Аҧсны Аҳәынҭқарратә биуџьет ахашәалахәытә хәҭа анагӡара азҵаара дазааҭгылеит.

Аҳәынҭқарра Анапхгара ахада иазҧхьагәаҭаз арбагақәа реихшьаалақәеи, аусдкыларатә усхкы асубиектқәа рганахьала ахылаҧшратә усмҩаҧгатәқәа рылҵшәақәеи, иара убас иҟоу апроблемақәеи рзы адырра ирҭеит.

Валери Бганба иахәҭоу ахылаҧшра шырҕәҕәатәу, насгьы аусдкылаҩцәа иршәараны иҟоу ашәахтәқәа ршәара алыршахартә еиҧш аус рыдулара шхымҧадатәиу инаҵшьны иазгәеиҭеит. Уи иажәақәа рыла, ашәахтә зымшәо зегьы хымҧада аҭакҧхықәра иақәыршәатәуп.

Аилатәара аихшьаалақәа рыла, ахырхарҭа иақәшәо ахылаҧшырҭақәа рнапхгаҩцәа Аҳәынҭқарратә биуџьет ахашәалахәқәа анапхгараҭара азы анапынҵақәа рыҭан.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа