Ажәабжьқәа

Популярное

Валери Бганба Андреи Бобуа аҳәынҭқарра амиграциатә Маҵзура аколлектив дыдирдырит

320
14.11.2019 13:34
Валери Бганба Андреи Бобуа аҳәынҭқарра амиграциатә Маҵзура аколлектив дыдирдырит
Андреи Бобуа Аҧсны Аҳәынҭқарра амиграциатә Маҵзура анапхгаҩыс дҟаҵоуп.

Аҟәа. Абҵарамза 14. Аҧсныпресс. Аҧсны аҧыза-министр Валери Бганба аҳәынҭқарра амиграциатә Маҵзура аколлектив рнапхгаҩы ҿыц – аинрал-маиор Андреи Бобуа дыдирдырит. Атәыла Анапхгара ахада аусбарҭаа аусзуҩцәа ахылаҧшырҭа 10-шықәса ахыҵра рыдиныҳәалеит: “Сара сгәаанагарала, ахылаҧшырҭа аусзуҩцәа шықәсырацәа ламысцқьала русура иабзоураны ишьақәгылеит. Аҳәынҭқаарратә миграциатә Маҵзура аҿаҧхьа иқәгылоу ауснагӡатәқәа, ари – аҳәынҭқарра аинтересқәа рыхьчара, изакәанымкәа имҩаҧысуа амиграциа аҿагылара ауп. Агәра ганы сыҟоуп, иҿыцу анапхгараҭара анапаҵаҟа атәыла амиграциатә политика иахәҭоу аҩаӡараҿы анагӡара шацҵахо”.

Амаҵзура уаанӡатәи анапхгаҩы Алексеи Аџьынџьал аколлектив хра злоу аусеицуразы ҭабуп ҳәа реиҳәеит: “Сара ари аколлектив аус рыцызуан ҧшьы-шықәса инареиҳаны. Аиашазы, аусура мариамызт, иҟаҵоугьы маҷӡам. Аха аус здулатәугьы маҷымкәа иҟоуп. Андреи Бобуа – дыпрофессионалуп, дуаҩ бзиоуп, уи есымшагьы Аҧсны иахәаша аҟаҵара дашьҭан. Абарҭ аҟазшьақәа иҟоу азакәан инақәыршәаны Ахылаҧшырҭа анапхгараҭараҿы ицхраап ҳәа сгәы иаанагоит”.

Убри аан, Андреи Бобуа иоуз агәрагара азы ҭабуп иҳәеит, еффективла аусуразы илшо зегьы аҟаҵара дшазхиоу инаҵшьны иазгәеиҭеит: “Агәра ганы сыҟоуп хаҭалатәи аилазаареи, аколлективи сареи аусеицуреи агәреибагареи шҳабжьало, Аҳәынҭқарратә миграциатә Маҵзура аусура аганахьала иҳақәу аҭакҧхықәра иахәҭоу аҩаӡараҿы анагӡара шҳалшо”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа