Ажәабжьқәа

Популярное

Валери Бганба Алексеи Двинианин дидикылеит

6388
11.02.2020 17:00
Валери Бганба Алексеи Двинианин дидикылеит
Аганқәа аҩганктәи аусеицура иадҳәалоу актуалра зҵоу азҵаарақәа ирылаҵәажәеит.  

Аҟәа. Жәабранмза 11. Аҧсныпресс. Аҧсны Аҳәынҭқарра Ахада инапынҵақәа назыгӡо, аҧыза-министр Валери Бганба Аҧсны Аҳәынҭқарра иҟоу Урыстәылатәи Афедерациа аҷыдалкаатә зинмчы змоу Ацҳаражәҳәаҩ Алексеи Двинианин дидикылеит. Абри атәы аанацҳауеит Аҧсны Аҳәынҭқарра Анапхгара аофициалтә саит. 

Аацҳамҭа излаанацҳауа ала, аганқәа Аҧсны асоциал-економикатә ҿиара адгылара иазку Аинвестициатә Программа ҿыц аиқәыршәареи анагӡареи, иара убас ОРВИ аларҵәара апрофелактика иазкны имҩаҧгоу аусмҩаҧгатәқәеи, уи инамаданы Аҧсни Урыстәылеи ирыбжьоу аҳәынҭқарратә ҳәаа ахысра азы аҧҟара ҿыцқәа рышьақәгылара, уҳәа  аҩганктәи аусеицура иадҳәалоу актуалра зҵоу азҵаарақәа ирылаҵәажәеит, 

Аҳәынҭқарра Ахада инапынҵақәа назыгӡо Ҧсоу аӡиас ала Аушьҭра-гәаҭаратә Ҧыҧшырҭа “Ҧсоу” аҿы  амобилтә ахылаҧшырҭабжьаратәи аусуратә гәыҧ аусура алҵшәақәа ртәы  Ацҳаражәҳәаҩ изеиҭеиҳәеит. Убри аан, уи ишазгәеиҭаз ала, Аҧсны аҳәынҭқарратә миграциатә Маҵзура ахаҭарнакцәа араҟа русура аамҭа иалагӡаны, аҧыҧшырҭа аҿы 50-ҩык инарзынаҧшуа Киргизиа, Аҩадатәи Кореиа, Тадџьыкисҭан, Узбекисҭан атәылауаа аиасразы мап рыцәкын.

Аусшәҟәқәа инарықәыршәаны, иарбоу аҧкра хәажәкырамза 7, 2020 шықәса рҟынӡа ишьақәгылахоит. 

Иара убас, аиҧылара аҿы Аҧсны иҟоу Урыстәыла атәылауаа рмазаратә зинқәа рыхьчара азы Акомиссиа аусура изаамҭанытәиу азҵаарақәа ирылацәажәеит. 

Аиҧылара ахыркәшамҭаз Валери Бганбеи Алексеи Двинианини актуалра злоу жәларбжьаратәи амшхәаҧштә  зҵаарақәа рыла ргәаанагарақәа еибырҳәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа