Ажәабжьқәа

Валери Бганба Аҧсны амассатә информациа ахархәагақәа русзуҩцәа рзанааҭтә ныҳәа рыдиныҳәалеит

201
27.02.2019 14:00
Валери Бганба Аҧсны амассатә информациа ахархәагақәа русзуҩцәа рзанааҭтә ныҳәа рыдиныҳәалеит
Атәыла аҧыза-министр Аҧсны ажурналистцәа аминистрцәа Реилазаара аилатәарақәа рымҩаҧысшьа азы иҟарҵо адыррақәеи, иҟоу ауадаҩрақәа ралкаареи, ииашаны акцент рыҭареи рзы ҭабуп ҳәа реиҳәеит.

Аҟәа. Жәабранмза 27. Аҧсныпресс. Аҧсны аҧыза-министр Валери Бганба амассатә информациа ахархәагақәа аусзуҩцәа рзанааҭтә ныҳәа рыдиныҳәалеит.

Адныҳәалараҿы, ахәҭакахьала иазгәаҭоуп: 

“Ҳаҭыр зқәу амассатә информациа ахархәагақәа рхаҭарнакцәа!

Гәык-ҧсыкала ишәыдысныҳәалоит шәзанааҭтә ныҳәа – Амилаҭтә кьыҧхьи амассатә информациа ахархәагақәа русзуҩцәа Рымшныҳәа! 

Хкырацәала иҟоу азанааҭқәа рыбжьара шәара шәзанааҭ акы еиҧшым ҳәа уҳәаратәы иҟоуп. Уи зныкала еиднакылоит арҿиаратә ҧшаарақәеи, уахы-ҽни ҳзышьцылахьоу аусқәа рынагӡареи, асоциалтә ҭакҧхықәреи, ҵаҵҕәы змоу акритикеи.

Зегьы раҧхьаӡа иргыланы, Аҧсны ажурналистцәа аминистрцәа Реилазаара аилатәарақәа рымҩаҧысшьа азы иҟарҵо адыррақәеи, иҟоу ауадаҩрақәа ралкаареи, ииашаны акцент рыҭареи рзы хаҭала сара ҭабуп ҳәа расҳәар сҭахуп.

Агәра ганы сыҟоуп, атәыла Анапхгареи амассатә информациа ахархәагақәеи рдиалог аконструктив ҟазшьа шамазаауа, избан акәзар ҳара зегьы хықәкыс иҳамоу – ҳтәыла ауааҧсыра реизҳазыҕьара ауп.

Ажурналистика ахыдҵақәа – ауаажәларра реидкылара, апроблема алацәажәара адагьы, аӡбаразы амҩа аҧшааразы амҩақәҵара.

Ҳаҭыр зқәу аҩызцәа. Гәык-ҧсыкала ишәзеиҕьасшьар сҭахуп аинтересс зҵоу арепортиортә ҧшаахқәа, ауаа ргәалашәараҿы иаанхо аиҧылара, азанааҭтә еизҳара, аманшәалара”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа