Ажәабжьқәа

Популярное

Валентина Давыдова: Ҳара Аахыҵ-Уаҧстәыла атәылауаа иҟарҵаз ацхыраара ҳхамышҭуазароуп

364
10.01.2018 16:41
Валентина Давыдова: Ҳара Аахыҵ-Уаҧстәыла атәылауаа иҟарҵаз ацхыраара ҳхамышҭуазароуп
Ҭҟәарчал араион аурыс хылҵышьҭрақәа Реилазаара ахантәаҩы Валентина Давыдова атәыла аҿы ишьақәгылаз аполитикатә ҭагылазаашьазы лгәаанагара лҳәеит. 

Аҟәа. Ажьырныҳәамза 10. Аҧсныпресс. Мадина Чагәааҧҳа. Ҭҟәарчал араион аурыс хылҵышьҭрақәа Реилазаара ахантәаҩы Валентина Давыдова  Аҧсныпресс акорреспондент диҿцәажәо, атәыла аҿы ишьақәгылаз аполитикатә ҭагылазаашьазы лгәаанагара лҳәеит.  

Валентина Давыдова иазгәалҭеит: “Зхы аҭыҧаҿы иҟоу , хара ихәыцуа ауаҩы Аҧсны Ахада идикылаз аӡбамҭа дадгылоит. Ҳара Аахыҵ-Уаҧстәыла атәылауаа иҟарҵаз ацхыраара ҳхамышҭуазароуп. Ламысла уныҟәозар, урҭ раҳаҭыр азы ҳара ишахәҭоу ала ахымҩаҧгашьа ҳақәшәароуп. Ажәлар абзиара рызҭаз рхамышҭуазароуп. Иара убас, иазгәоумҭар залшом даҽакгьы, ҵыхәаҧҵәарада амитингқәа реиҿкаареи урҭ рылахәхареи аҳәынҭқарра  ашьақәгылара ҵызшәаауа акакәны иҟоуп”.


Аҟәа араион Ахадара аиҳабы Валери Смыр Аҧсныпресс акорреспондент диҿцәажәо атәыла аҩныҵҟа ишьақәгылаз аполитикатә ҭагылазаашьа дазааҭгылеит. 



Валери Смыр ааигәа имҩаҧгаз амитингқәа дрыхцәажәеит: “Ҵыхәаҧҵәарада амитингқәа реиҿкаарала ҳара аҳәынҭқарра ашьақәгылараҿы хра злоу лагалакгьы ҳзыҟаҵараны ҳаҟаӡам. Апарламенти Аҳәынҭқарра Ахада Иусбарҭеи рхыбрақәа рҿаҧхьа агылара – ииашоу усны исзыҧхьаӡом, избан акәзар, уи апровакациа аҟаларазы есымша ашәарҭара ацуп.”  

Убри аан, Валери Смыр инаҵшьны иазгәеиҭеит: “Аҵыхәтәантәи аамҭазы атәыла аҩныҵҟа ишьақәгылаз аполитикатә ҭагылазаашьа жәаҳәарада иуадаҩуп. Ҳара зегьы ҳаидымгылар, ҳаҧсадгьыли ҳауаажәлари реизҳазыҕьара азы аус ҳамур, иҽеиу ҳәа акгьы ҳзыҧшӡам!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа