Ажәабжьқәа

Популярное

Вадим Габниа: зегьы ҳааидгыланы ҳаҧсадгьыл аизҳазыҕьаразы аус ааулароуп

379
31.01.2018 13:35
Вадим Габниа: зегьы ҳааидгыланы ҳаҧсадгьыл аизҳазыҕьаразы аус ааулароуп
Аҧсны Аҳәынҭқарра Ахада Рауль Ҳаџьымба Аҟәа араион ауаажәларра дырҧылеит. 

Аҟәа. Ажьырныҳәамза 31. Аҧсныпресс. Мадина Чагәааҧҳа. Аҧсны Аҳәынҭқарра Ахада Рауль Ҳаџьымбеи Аҟәа араион ауаажәларреи реиҧылара аҿы ақыҭа Баслаҭ ахада Вадим Габниа аусқәа рҭагылазаашьазы адырра ҟаиҵеит. 

Вадим Габниа иҟаиҵаз адыррақәа рыла, ақыҭа атерриториа 17-- гектар рҟынӡа аҵанакуеит, ауаа зыҩноу аҩнқәа рхыҧхьаӡара 445 рҟынӡа инаӡоит.  “2017 шықәсазы аҭыҧ зауз аҧсабаратә цәырҵрақәа ҳқыҭа ааха ҕәҕәа арҭеит. Џьара аҩны ахыб ахнахит, иҟоуп амца зкыз аҩнқәагьы, иҟоуп зыҭӡамцқәа шьаз аҩнқәагьы. Ӡыла аиқәыршәара азҵаара ақыҭаҿы ихадоу проблеманы иҟоуп. Ауадаҩра ахьыҟоу аҭыҧ ашәагаа 6 километрак рҟынӡа инаӡоит”, - ҳәа иҳәеит иара. 

Вадим Габниа атәыла аҩныҵҟа ишьақәгылаз аполитикатә ҭагылазаашьа азы ихатәы гәаанагара иҳәеит: “Алхратә компаниа анымҩаҧысуаз аамҭазы иахьа ҳҳәынҭқарра иахагыло Апрезидент ҳқыҭа даҭааны доусы ҳамчи-ҳахшыҩи еилаҵаны ҳаҧсадгьыл аизҳазыҕьара азы аус ааауларц азы ааҧхьара ҟаиҵеит. Аха рыцҳарас иҟалаз,  џьоукы-џьоукы амитингқәа реиҿкаареи урҭ рылахәхареи еиҳа еиҕьыршьоит. Ҳара егьырҭ аҳәынҭқаррақәа  рҿы амитингқәа раан ашьакатәара аныҟалоз атәы аадыруеит. Иахьа , анцәа иумҳәан, ҳара ҳҿгьы абри аҩыза ҟалар, ҳхәыҷқәа рыҧсҭазаара азы аҭакҧхықәра зхахьы изгода?! Уи амитингқәа реиҿкааҩцәа роуп! Ҳара зегьы ҳааидгыланы ҳаҧсадгьыл аизҳазыҕьареи еиҵагыло абиҧара рыҿиареи рзы аус ааулароуп. Еимга-еимцарак ала аҧсҭазаараҿы зегьы маншәаланы аҟаҵара уадаҩу , уаанӡа анаӡара  шьаҿа-шьаҿала ауп ишалыршахо. Аҧсны иаразнак џьанаҭҭыҧны аҟаҵара ауеит ҳәа шәақәзыргәыҕуа зегьы рааҧхьарақәа – аҭымҭшәара ахь инагоуп”. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа