Ажәабжьқәа

Популярное

Урыстәылатәи аҳазылхыҩцәа афитосанитартә гәаҭарада 15 инареиҳаны ашәҭ цыреи, 5 кьылак инареиҳаны ашәырқәеи ауҭраҭыхқәеи рахгаразы азин рырҭаӡом

791
19.08.2019 16:16
Урыстәылатәи аҳазылхыҩцәа афитосанитартә гәаҭарада 15 инареиҳаны ашәҭ цыреи, 5 кьылак инареиҳаны ашәырқәеи ауҭраҭыхқәеи рахгаразы азин рырҭаӡом
Иахьатәи амш инаркны урыстәылатәи акарантинтә фитасанитартә гәаҭара аҧҟарақәа азакәанмчы роуит.

Аҟәа. Нанҳәмза 19. Аҧсныпресс. Урыстәылатәи аҳазылхыҩцәа аҳәынҭқарратә ҳаа иахьаҵанакуа агәаҭара-хысратә ҧыҧшырҭақәа рҿы ауааҧсыра рнапылеидареи реидараҿаҳәеи рҿы ашәҭқәеи ашәырқәеи ауҭраҭыхқәеи рыҟазаара гәарҭоит. Иарбоу ауснагӡатәқәа, Урыстәылатәи Афедерациа Анапхгара ишьақәнарҕәҕәаз, нанҳәамза 19 инаркны азакәанмчы зауа акарантинтә фитосанитартә гәаҭара аҧҟарақәа рҿы иарбахоит. Абри азы адырра ҟанаҵоит “Российская газета”.

Аацҳамҭа аҿы ишазгәаҭоу ала, ишьақәыргәҕәоу аҧарақәа инарықәыршәаны, урыстәылатәи аҳазылхыҩцәа адәыҕбақәа рпассаџьырцәа, адәыҕбатә бригадақәа, иара убас автотранспорт агәаҭаразы азин рымоуп.

Афитосанитартә шәарҭара зцу аалыҵ (анаша, апомидор, акарпыжә, ашьынка, ашәҭшьыҵәрақәа рзы ашәҭқәа, уҳәа) афитосанитартә сертификатқәа рыда Евразиатә аекономикатә еидгылара аҳазылхратә ҳәаа ахыгара ҟалоит апошьҭа ала идәықәҵахозар, мамзаргьы апассаџьырцәа рнапылеидара иалазар. Убри аан, ас еиҧш аалыҵ 5 кьылак иреиҳамзароуп. Асертификат ада иара убас ииаугар ҟалаӡом ажәла, ажәлатә материал, ашәҭшьыҵәрақәа хҧа, ма 15 инарзынаҧшуа ашәҭ цыра.

“Российская газета” Урыстәыла ақыҭанхамҩа ахылаҧшра аубарҭа апресс-маӡаныҟәгаҩ Иулиа Мелано иҟалҵо адыррақәа рахь азхьарҧш ҟаҵо ишазгәанаҭо ала, ауааҧсыра рзы абжьааҧны иҟаз аҧҟарақәа мыцхәы аҽамҧсахӡеит. Урыстәыла Анапхгара ишьақәнарҕәҕәаз Ақәҵара иану аҧҟарақәа абар шьҭа ҩы-шықәса ирылагӡаны аус ауеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа