Ажәабжьқәа

Популярное

Урыстәыла иҟоу Аҧсны Аҳәынҭқарра Ацҳаражәҳәарҭа аҿы ашәҟәыҩҩы Владимир Делба иҧылара мҩаҧысит

431
08.02.2018 13:34
Урыстәыла иҟоу Аҧсны Аҳәынҭқарра Ацҳаражәҳәарҭа аҿы ашәҟәыҩҩы Владимир Делба иҧылара мҩаҧысит
Ашәҟәыҩҩы Аҧсны алахәхарала инагӡахо апроектқәа дрылацәажәеит.

Аҟәа. Жәабранмза 8. Аҧсныпресс. Урыстәыла иҟоу Аҧснытәи Ацҳаражәҳәарҭа аҿы аҷыдалкаатә зинмчы змоу Аҧсны ацҳаражәҳәаҩ Игорь Ахбеи ашәҟәыҩҩы Владимир Делбеи реиҧылара мҩаҧысит. 

Владимир Делба иганахьала иаарҧшыз агәыцаракра азы ҭабуп ҳәа реиҳәеит. Уи иара убас Игорь Ахба Москва ақалақь аҿы иҭыжьыз ашәҟәыҩҩы ирҿиамҭақәа знылаз альманахқәа ҳамҭас ииҭеит. Ашәҟәыҩҩы Аҧсны алахәхарала инагӡахо апроектқәа дрылацәажәеит. Ахәҭакахьала, ашәҟәыҩҩы Евразиа ажәларқәа Рассоблеиа ахылаҧшра аҵаҟа Алитературатә Хеилак аҧҵара атәы еиҭеиҳәеит. Иарбоу аиҿкаара маӡаныҟәгаҩыс иамоу ашәҟәыҩҩы Владимир Делба Ахеилак ахантәаҩы ихаҭыҧуаҩысгьы далхын. 

Владимир Делба иҟаиҵаз адыррақәа рыла, лаҵарамза 2018 шықәсазы Шәача ақалақь аҿы Ахҧатәи жәларбжьаратәи алитературатә фестиваль “ЛиФФт-2018” мҩаҧысраны иҟоуп. Аҧсныгьы уи алахәхаразы ааҧхьара аиуеит. Ааигәа Аҧсны акультуреи аҭоурых-культуратә ҭынха ахьчареи Рминистрреи арҿиаратә шәҟәыҩҩратә еидгыларақәа рнаҧхгаҩцәеи рахь аофициалтә ааҧхьара нашьҭхоит. 

Иара убас, аиҧылара алахәылацәа еиуеиҧшым урыстәылатәии жәларбжьаратәии аҭыжьымҭақәа Аҧсны аусеиицура азы азҿлымҳара шаадырҧшуа азгәарҭеит. Уи Аҧсны акультура аҿиара азы акырӡа аҵанакуеит, иара убри аамҭазгьы акыр аҭакҧхықәрагьы ацуп. 

Аиҧылара ахыркәшамҭаз Игорь Ахба Владимир Делба иҿыцу арҿиаратә еихьӡарақәа изеиҕьашьо, аринахысгьы алитературатә проектқәа реицынагӡараҿы ацхыраара иҭара дшазхио азы агәра ииргеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа