Ажәабжьқәа

Популярное

Урыстәыла Афедерациа ҳхьыҧшымра азханамҵазҭгьы, аизҳазыӷьара ақәгәыҕра уадаҩхон – Олег Дамениа

657
26.08.2015 09:00
Урыстәыла Афедерациа ҳхьыҧшымра азханамҵазҭгьы, аизҳазыӷьара ақәгәыҕра уадаҩхон – Олег Дамениа
Август 26 2008 шықәсазы Урыстәыла Апрезидент Дмитри Медведев Аҧсни Аахыҵ Уаҧстәылеи рхьыҧшымра азхаҵара азы Ақәҵара инапы аҵаиҩит. 

Аҟәа. Август 26. Аҧсныпресс. “Сара уи амш аҽны аҳҭнықалақь аҿы имҩаҧысуаз ахҭысқәа ибзиаӡаны исгәалашәоит. Уи ныҳәа дуӡӡан. Аҧсны ажәлар Рџьынџьтәылатәи еибашьра аҿы иргаз аиааира ирзаҩызан”, – ҳәа “Аҧсныпресс” акорреспондент диҿцәажәо бжьышықәса раҧхьа иҟаз аҳҭысқәа игәалаиршәон астратегиатә ҭҵаарақәа Рцентр аиҳабы Олег Дамениа. 

Уи иажәақәа рыла, Аҧсни Аахыҵ Уаҧстәылеи рхьыҧшымра азхаҵара ҭоурыхтә хҭысуп. “Сентиабр 30 1993 шықәсазы ҳаҟазаара азин аиааирагарала иҳахьчеит, аха уи агарантиа ацӡамызт. 1993 шықәса ашьҭахь Қырҭтәыла изныкымкәа аибашьра алагара азы аҽазышәарақәа мҩаҧнагон, ҩаҧхьа аиҿагылара ашәарҭара аҿаҧхьа ҳгылон. Убас иҟан 2008 шықәсанӡа. 

Ахьыҧшымра азхаҵара – ари Аҧсны ашәарҭадара азы игарантиоуп. Убри аан Урыстәыла ҳажәларқәа рҧеиҧш ачаҧара аҿы инанагӡаз ароль ахә ашьара уадаҩуп. Урыстәыла Афедерациа ҳхьыҧшымра азханамҵазҭгьы, аизҳазыӷьара ақәгәыҕра уадаҩхон”, – ҳәа иҳәеит Олег Дамениа. Ахьыҧшымра иҳанаҭо даара ирацәоуп, аха, иара убри аамҭазы иҳаднаҵо аҭакҧхықәрагьы еиҵам, ҳәа иҧхьаӡоит иара. 

Жәларбжьаратәи азхаҵара азы, раҧхьаӡа иргыланы ауаажәларра рыҧсҭазаара азинтә нормақәа ирықәшәо ашьақәыргылара хымҧадатәиуп. “Ҳхьыҧшымра азхазҵо ҳазусҭцәоу идыруазароуп. Ҳара ихьыҧшым аҳәынҭқарра аҳасабала ҳазхарҵарц азы иҳамоу агәазыҳәара адунеи атәылақәа рзы ишьаҭаркызароуп”, – ҳәа инаҵшьны иазгәеиҭеит астратегиатә ҭҵаарақәа Рцентр аиҳабы Олег Дамениа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа