Ажәабжьқәа

Популярное

Урыстәыла аҳәынҭқарратә Дума адепутатцәа Валери Агрба ауаажәларратә еилазаара азы Аилак Аексперттә Хеилак иалагалара азы рыбжьы рҭиит

321
19.11.2019 15:29
Урыстәыла аҳәынҭқарратә Дума адепутатцәа Валери Агрба ауаажәларратә еилазаара азы Аилак Аексперттә Хеилак иалагалара азы рыбжьы рҭиит
Аекспеттә Хеилак аҿы Валери Агрба асоциалтәии агуманитартәии аусхкқәа рҿы аексперттә цхыраара аҭара азҵаарақәа ахылаҧшра аиҭалоит.

Аҟәа. Абҵарамза 19. Аҧсныпресс. Урыстәылатәи Афедерациа Аҳәынҭқарратә Дума ауаажәларратә еилазаара аҿиареи, ауаажәларратәи адинхаҵаратәи еидгыларақәа рызҵаарақәеи рзы Аилак аилатәара аҿы адепутатцәа Аҧсны Жәлар Реизара-Апарламент адепутат, аҳәынҭқарра-зинтә политика азы апарламенттә Еилкы ахантәаҩы Валери Агрба, Урыстәыла Аҳәынҭқарратә Дума ауаажәларратә еилазаара азы Аилак Аексперттә Хеилак иалагалара азы еицҿакны рыбжьы рҭиит.

Урыстәылатәи Афедерациа Аҳәынҭқарратә Дума Аилак ахантәаҩы Сергеи Гаврилов Валери Агрба  Аексперттә Хеилак иалагаларазы абжьгара ҟаиҵеит.

Аилак аилатәара аҿы дықәгыло. Сергеи Гаврилов иазгәеиҭеит: “Валери Агрба Аҧсны азакәанҧҵара аиҕьтәра илагала ду алоуп, уи аҧсуа-аурыс еимадареи аимабзиаратә еизыҟазаашьақәеи рыҿиара акыр дадгылоит. Ҳара ҳексперттә Хеилак аҿы Валери Владимир-иҧа асоциалтәии агуманитартәии аусхкқәа рҿы аексперттә цхыраара аҭара азҵаарақәа ахылаҧшра аиҭалоит. Аҧсны ииоуз аҧышәа ҳаплошьадка аҿы акыр азҿлымҳара аиуоит. Валери Агрба еиҧш аамҭак ала Аексперттә Хеилак алахәылас далхыуп аҭоурыхҭҵааҩ Александр Михаил-иҧа Путин”.

Валери Агрба Аҳәынҭқарратә Дума адепутатцәа ирҭаз агәрагара азы ҭабуп ҳәа реиҳәеит: “Сара исылшо зегьы аҟаҵара сазхиоуп ауаажәларратә еилазаара аинститутқәа русура ҳәаақәызҵо анорма-зинтә шьаҭа аҿиареи, ауаҩы изинқәеи ихақәиҭреи рыхьчара азы хра злоу алагала аҭареи рзы. Аҳәынҭқарратә Дума аҿы аексперт иаҳасабала аусура сара сзы акыр аинтерес аҵоуп, даарагьы акыр аҵанакуеит. Иара убас Аҧсны Аҳәынҭқарреи Урыстәылатәи Афедерациеи рзакәанҧҵара аунификациеи аишьашәалареи иазырхоу акурс анагӡареи арҕәҕәареи акырӡа аҵак ду аҵоуп ҳәа исыҧхьаӡоит”.


(АП): Валери Агрба Аҧсны Жәлар Реизара – Апарламент енеиҧынкыланы ааҧхьарақәа ҩба адепутатс дыҟоуп. Раҧхьаӡа акәны уи адепутатс далырхит 2012 шықәсазы, 2017 шықәсазы  ҩаҧхьа деиҭалырхит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа