Ажәабжьқәа

Популярное

Урыстәыла аҩныҵҟатәи аусқәа Рминистрра аусзуҩцәа Аҧсны аҧсшьаразы азин роуит

438
12.01.2018 13:31
Урыстәыла аҩныҵҟатәи аусқәа Рминистрра аусзуҩцәа Аҧсны аҧсшьаразы азин роуит
Аҧсны Урыстәыла аҩныҵҟатәи аусқәа Рминистрра аусзуҩцәа  аҳәаанырцә рыҧсшьара  азы азин ахьрымоу атәылақәа рсиа иалалеит.

Аҟәа. Ажьырныҳәамза 12. Аҧсныпресс. Урыстәыла аҩныҵҟатәи аусқәа рминистр иарбоу ахылаҧшырҭа аусзуҩцәа рыҧсы ршьарц азы азин ахьрымоу аҳәаанырцәтәи атәылақәа рсиа шьақәирҕәҕәеит. Ари асиа иалагалоу аҳәааныртәи 13 тәыла иреиуахеит Аҧсны Аҳәынҭқаррагьы. Абри атәы аанацҳауеит Урыстәылатәи атуристтә операторцәа Рассоциациа.

Ақәҵара инақәыршәаны,  асиа иалагалоу аҳәаанырцәтәи  атәылақәа  рҭаара Урыстәыла адәныҟатәи Аминистрра аусзуҩцәа рзы арра-политикатә, акриминогентә, асанитар-епидемиологиатә, аҧсабарратә уҳәа аҭагылазаашьақәа инарымаданы ашәарҭара аҵаӡам ҳәа ишьақәырҕәҕәоуп.

Ари асиа иара убас иалагалахеит Азербаиџьан, Ермантәыла, Белоруссиа, Виетнам, Ҟазахсҭан, Киргизиа, Китаи, Куба, Ҭадџьыкисҭан, Ҭуркмениа, Узбекисҭан, Аахыҵ-Уаҧстәыла.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа