Ажәабжьқәа

Популярное

Иахьа зышәқәа аадыртыз Ахан, актәи аихагыла адагьы, егьырҭ аихагылақәеи ахыбреи аҟаҵара ҳалшап ҳәа сгәы иаанагоит – Рауль Ҳаџьымба

431
20.03.2015 13:32
Иахьа зышәқәа аадыртыз Ахан, актәи аихагыла адагьы, егьырҭ аихагылақәеи ахыбреи аҟаҵара ҳалшап ҳәа сгәы иаанагоит – Рауль Ҳаџьымба

Тҟәарчал ақалақь аҿы акультура Ахан аартра мҩаҧысит.

Тҟәарчал. Март 20. Аҧсныпресс. Ахан аартра рхы аладырхәит Аҧсны Ахада Рауль Ҳаџьымба, Апарламент аиҳабы Валери Бганба, Акультуреи аҭоурых-культуратә ҭынхақәеи рыхьчара азы аминистр инапынҵақәа назыгӡо Ельвира Арсалиаҧҳа, аҵареи аҭҵаарадырреи аспорти аҿар рполитикеи аминистр инапынҵақәа назыгӡо Адгәыр Какоба. 

Ахан аартра ацеремониаҿы дықәгыло, Аида Чачхалиа  аџьабаа збаз зегьы ҭабуп ҳәа ралҳәеит. “Ахан аартра афинанстә цхыраара азҭаз Урыстәыла Афедарациа, акультура Аминистрра, аџьабаа збаз аргылаҩцәа зегьы, Тҟәарчалаа рыхьӡ ала ҭабуп ҳәа расҳәарҵ сҭахуп.  Ари Ахан аҿы лассы-лассы шәгәалаҟазаара шьҭызхуа аусмҩаҧгатәҟәа шеиҿыркаало агәра шәсыргоит”, - лҳәеит араион ахада.

“Акультура ҳара ҳзы даара ихадароу акы ауп. Ишәыдысныҳәалоит иахьатәи амш, ишәзеиҕьасшьоит аманшәалара. Тҟәарчал аҧхьаҟа аҿиара аиуп ҳәа сгәы иаанагоит, уи амҩа ҳақәгылоуп, иҳалшо рацәоуп, иҟаҵоугьы маҷым. Иахьа зышәқәа аадыртыз Ахан, актәи аихагыла адагьы, егьырҭ аихагылақәеи ахыбреи аҟаҵара ҳалшап ҳәа сгәы иаанагоит”, - иҳәеит Аҧсны Ахада Ахан аарҭра ацеремониаҿы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа