Ажәабжьқәа

Сергеи Багаҧшь игәалашәара иазку жәларбжьаратәи атурнир Аҟәа ақалақь аҿы имҩаҧысраны иҟоуп

443
29.06.2018 12:43
Сергеи Багаҧшь игәалашәара иазку жәларбжьаратәи атурнир Аҟәа ақалақь аҿы имҩаҧысраны иҟоуп
Ҧхынгәы 2 инаркны 6 рҟынӡа Аҟәа ақалақь аҿы есышықәса еиҿкаахо амҵәышәмпыл азы жәларбжьаратәи атурнир мҩаҧысуеит.

Аҟәа. Рашәарамза 29. Аҧсныпресс. Мадина Чагәааҧҳа. Аҟәа ақалақь аҿы амҵәышәмпыл Афедерациа актәи апрезидент Сергеи Багаҧшь игәалашәра иазкны есышықәса еиҿкаахо, амҵәышәмпыл азы жәларбжьаратәи атурнир мҩаҧысуеит. Абри атәы Аҧсныпресс ахь адырра ҟалҵеит Аҧсны абҩарҵәыреи аспорти рзы аҳәынҭқарратә Еилакы аспорт ҟәша аиҳабы Жанна Занҭариа. 

Жанна Занҭариа иҟалҵаз адыррақәа рыла, рашәарамза 2, асааҭ 9 рзы аусмҩаҧгатәқәа, Сергеи Багаҧшь Џьгьарда ақыҭан, анышә дахьамадоу аҭыҧ аҿы ашәҭ шьыҵәрақәа рышьҭаҵара иадҳәалоу ацеремониа ала ихацыркхоит. “Анаҩс, асааҭ 14:00 рзы, Курченко лыхьӡ зху аҳҭнықалақьтә  парк аҿаҧхьа иҟоу ахәыҷтәы-қәыҧштә спорт школ аҿы аицлабрақәа ирылагоит”, – ҳәа илҳәеит лара. 

Жанна Зантариа, Урыстәылатәи Афедерациа ақалақьқәеи  Донецктәи Жәлартә Республикеи рҟынтәи аспортсменцәа атурнир алахәхаразы аапҳьара рыҭоуп ҳәа иазгәалҭеит. “Аиааира зго ахраҿақәеи, амедалқәеи, аҳаҭыртә шәҟәқәеи ранашьахоит, иара убас иреиҕьу ахәмарыҩцәагьы алкаахоит”, – ҳәа лажәа хыркәшо илҳәеит Жанна Занҭариа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа