Ажәабжьқәа

Сергеи Багаҧшь диижьҭеи 70-шықәса аҵра азгәаҭара иазку аусмҩаҧгатәқәа Рыплан шьақәырҕәҕәоуп

209
28.02.2019 12:04
Сергеи Багаҧшь диижьҭеи 70-шықәса аҵра азгәаҭара иазку аусмҩаҧгатәқәа Рыплан шьақәырҕәҕәоуп
Аҧсны Аҳәынҭқарра Аҩбатәи Ахада Сергеи Уасил-иҧа Багаҧшь диит хәажәкырамза 4, 1949 шықәса рзы.

Аҟәа. Жәабранмза 28. Аҧсныпресс. Аҧсны Аҳәынҭқарра Аҩбатәи Ахада ихьӡ анаунагӡатәра азы иаҧҵоу аҳәынҭқарратә Комиссиа, Сергеи Уасил-иҧа Багаҧшь диижьҭеи 70-шықәса аҵра азгәаҭара иазку аусмҩаҧгатәқәа Рыплан шьақәынарҕәҕәеит.

Очамчыра араион, Џьгьарда ақыҭа иҟоу Аҧсны Аҳәынҭқарра Аҩбатәи Ахада Сергеи Уасил-иҧа Багаҧшь имемориал амҵан ашәҭ шьыҵәрақәа рышьҭаҵара иадҳәалоу ацеремониа мҩаҧгахоит хәажәкырамза 4, асааҭ 12: 00 рзы.

Хәажәкырамза 5, асааҭ 10:00 рзы, Аҧсны аминистрцәа Реилазаара а-2-тәи акорпус аҿы анаукатә конференциа мҩаҧгахоит.

Хәажәкырамза 5, асааҭ 13:30 рзы – Аҧсны асахьаҭыхыҩцәа Реидгыла ацәыргақәҵатә зал Хада аҿы афотоцәыргақәҵа еиҿкаахоит.

Иара убас, Аҧснытәи аҳәынҭқарратә Университет аҿы Сергеи Багаҧшь игәалашәара иазку ахәылҧаз мҩаҧысуеит.

Аҧсны Аҳәынҭқарра Аҩбатәи Ахада игәалашәара иазку ахәылбаз убасҵәҟьа имҩаҧысраны иҟоуп лаҵарамза 29, С.Ҷанба ихьӡ зху аҳәынҭқарратә драматә театр аҿы.

Ишьақәырҕәҕәоу Аплан инақәыршәаны, аҳҭнықалақь аҿы Сергеи Багаҧшь иҧсҭазаареи иусурамҩеи ирызкны Екатерина Бебиа иҭлыжьыз ашәҟәи “Ахаҵареи аҟәыҕареи рымҩала”, иара убас “Багаҧшь С.У”ҳәа хыс измоу  агәаларшәагатә ҧсари рӡыргара мҩаҧгахоит.

        
(АП): Акомиссиа Аҧсны Аҳәынҭқарра Ахада Рауль Ҳаџьымба жәабранмза 4, 2019 шықәса рзы иҭижьыз Аусҧҟа ала иаҧҵоуп.

Акомиссиа аусура рхы аладырхәит атәыла Анапхгара алахәылацәа, ауаажәларратәи аполитикатәи, аҭҵаареи аҵарадырреи русзуҩцәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа