Ажәабжьқәа

Популярное

“Сара иалысхуеит агәабзиара!” ҳәа хыс измоу апрограмма аусура иалагеит

243
15.03.2017 14:52
“Сара иалысхуеит агәабзиара!” ҳәа хыс измоу апрограмма аусура иалагеит
Аҟәа ақалақь аҿы аус зуа ашколқәеи ахәыҷбаҳчақәеи рҿы аҧсыҧлагаҩагаратә гимнастика аларгалоит.

Аҟәа. Хәажәкыра 15. Аҧсныпресс. Аҟәа ақалақь Ахадара ихацнаркыз “Сара иалысхуеит агәабзиара!” ҳәа хыс измоу апрограмма аҳәаақәа ирҭагӡаны, ақалақь аҿы аус зуа ашколқәеи ахәыҷбаҳчақәеи рҿы Стрельникова лметодика ала аҧсыҧлагаҩагаратә гимнастика амҩаҧгара азы абҩарҵәыра аинструкторцәа разыҟаҵара мҩаҧысуеит. Абри атәы аанацҳауеит Аҟәа ақалақь Ахадара апресс-маҵзура.

Аҳәамҭа излаанацҳауа ала, иарбоу аусмҩаҧгатә мҩаҧылгоит Аҟәа ақалақь Ахадара аҵарадырра Аҟәша азанааҭдырҩ хада, ахәыҷтәы-қәыҧштә спорт школа аиҳабы, иреиҳаӡоу аҩаӡара змоу аинструктор Татиана Емырхәба. “Аҧсыҧлагаҩагаратә гимнастика аҟаҵара даара имариоуп, мыцхәы аџьабаа ацӡм аамҭагьы 15-20 минуҭ иреиҳаны уадхалаӡом. Ари апрограмма ақалақь ахәыҷбаҳчақәеи ашколқәеи рҿы алагалара азы абҩарҵәыра аинструкторцәа разыҟаҵара ҳаҿуп”, – ҳәа иазгәалҭеит Татиана Емырхәба.

Убри аан Татиана Емырхәба, аҽаршьцыларақәа ахәмарратә форма ала имҩаҧысуеит, урҭ рынагӡара ахәыҷқәа ирзымариоуп ҳәа иазгәалҭеит. Абҩарҵәыоа аинструкторцәа иарбоу акомплекс даара ибзианы ирыдыркылеит. Аринахысгьы ашколқәа рҿы аус зуа азыҟаҵаҩцәа рзы аиҧш-зеиҧшу атренингқәа рымҩаҧгареи, анаҩс аиҵбыратә классқәа рҿы аҧсыҧлагаҩагаратә гимнастика алагалареи азҧхьагәаҭаны иҳамоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа