Ажәабжьқәа

Популярное

Ҟрым Аҧсны Шьамтәылеи рекономика аминистрцәа реиҧылара мҩаҧысит

83
19.04.2019 15:26
Ҟрым Аҧсны Шьамтәылеи рекономика аминистрцәа реиҧылара мҩаҧысит
Аиҧылара V Иалтатәи жәларбжьаратәи аекономикатә форум аҳәаақәа ирҭагӡаны имҩаҧысит.

Аҟәа. Мшаҧымза 19. Аҧсныпресс. Аҧсны Аҳәынҭқарра аекономиа аминистр Адгәыр Арӡынба Шьамтәылатәи Арабтәи Ареспублика аекономике адәныҟатәи ахәаахәҭреи рминистр  Мухаммед Самер Халиль диҧылеит. Аиҧылара V Иалтатәи жәларбжьаратәи аекономикатә форум аҳәаақәа ирҭагӡаны имҩаҧысит. Абри атәы аанацҳауеит аекономика Аминистр апресс-маҵзура.

Аҧсны аекономика аминистр Адгәыр Арӡынба, Иалтатәи жәларбжьаратәи аекономикатә форум аҳәаақәа ирҭагӡаны ас еиҧш аиҧыларақәа ибзиоу традицианы иҟалеит ҳәа иазгәеиҭеит. 

“Араҟа шықәсык раҧхьа имҩаҧысыз аиҧылара аҿы аҩганктәи аекономикатә еизыҟазаашьақәа рышьақәыргылара алацәажәара мҩаҧган. Усҟан ҳтшәылақәа адипломатиатә еизыҟазаашьақәа рыбжьарымҵацызт. Уи аиҧылара ашьҭахь хара имгакәа Шьамтәылатәи Арабтәи Ареспублика Аҧсны Аҳәынҭқарра ахьыҧшымра азханаҵеит, иҳаҩсыз ашықәс, цәыббрамзазы атауарқәа абаџь ахшәаарада ахәаахәҭра амҩаҧгаразы Аиқәшаҳаҭра ҳабжьаҳҵеит. Уи ҳҳәынҭқаррабжьаратәи аизыҟазаашьақәа хра злоу аҩаӡараҟынӡа инаӡеит ауп иаанаго", – ҳәа инаҵшьны иазгәеиҭеит Аҧсны аекономика аминистр. Ахәҭакахьала Шьамтәылатәи Арабтәи Ареспублика аекономикеи адәныҟатәи ахәаахәҭреи рминистр Аҧсни Шьамтәылеи ирзеиҧшу атрадициақәеи аҵасқәеи маҷымкәа ирымоуп ҳәа иазгәеиҭеит: “Ҳара ҳҳәынҭқарра иқәынхоит имаҷым аҧсуа диаспора. Ари аҩыза афактор ҳаизыҟазаашьақәа аҿиара бзиа рынаҭоит. Агәра ганы ҳаҟоуп уи аекономикеи аполитике рхырхарҭала адагьы, егьырҭ аусхкқәа рыҿгьы аҭыҧ шаиуо”. 
Аминистр атауарқәа абаџь рыхшәаарада ахәаахәҭра амҩаҧгара азы Аиқәшаҳаҭра азинмч аиуит ҳәа адырра ҟаиҵеит.

Аҧсны аекономика аминистр, уи азы иахәҭоу ауснагӡатәқәа зегьы мҩаҧгоуп, Аиқәшаҳаҭра аратификациа азуп  ҳәа адырра ҟаиҵеит.

“Дамаск ақалақь аҿы знапаҵыҩра мҩаҧгаз егьи Аиқәшаҳаҭра аҳәаақәа ирҭагӡаны, аусуратә гәыҧ аҧсуа ган аҧҵоуп. Уи анапхгараҭаразы агәрагараҳаҭырла сара исырҭеит”, – ҳәа иазгәеиҭеит Адгәыр Арӡынба.

Аиҧылара иалахәыз Аҧсны адәныҟатәи Даур Ақаҩба Ҟрым ахада Сергеи Аксионов дызлазхәыз аиҿцәажәарақәа рзы адырра ҟаиҵеит. Аминистр иажәақәа рыла, арҭ аиҿцәажәарақәа рҿы Урыстәылеи Аҧсны Аҳәынҭқарреи Шьамтәылатәи Арабтәи Ареспубликеи амшынтә еимадара рыбжьаҵара ахы аиқәшаҳаҭра абжьаҵара иазкыз азҵаарақәа жәпакы ирылацәажәеит.

Аиҧылара ахыркәшамҭаз аделегациақәа азеиҕьашьарақәеи ааҧхьарақәеи еимырдеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа