Ажәабжьқәа

Популярное

Роман Дбар хыҧхьаӡара рацәала аҧсыӡ аҧсразы: лобан ҳәа изышьҭоу аҧсыӡ хкы аӡаҿы иҟалаз аҳауа азымхара иахҟьаны хыҧхьаӡара рацәала аҧсра иалагеит

706
19.08.2016 11:05
Роман Дбар хыҧхьаӡара рацәала аҧсыӡ аҧсразы: лобан ҳәа изышьҭоу аҧсыӡ хкы аӡаҿы иҟалаз аҳауа азымхара иахҟьаны хыҧхьаӡара рацәала аҧсра иалагеит
Аеколог Роман Дбар «Аҧсныпресс» акорреспондент диҿцәажәо, пицундатәи аӡиа Анышьхҵыра аҿы иҟалаз хыҧхьаӡара рацәала аҧсыӡ аҧсра иадҳәалаз ахҭыс аилыргара алҵшәақәа ртәы еиҭеиҳәеит.

Аҟәа. Нанҳәамза 18. Аҧсныпресс. Лана Ҵәыџьҧҳа. Аҧсны Анаукақәа Ракадемиа иатәу аекологиа Аинститут аиҳабы Роман Дбар пицундатәи аӡиа Анышьхҵыра аҿы иҟалаз хыҧхьаӡара рацәала аҧсыӡ аҧсра иадҳәалаз ахҭыс аилыргара алҵшәақәа ртәы еиҭеиҳәеит.

Ахәҭакахьала, Роман Дбар иажәақәа рыла, Аинститут аспециалистцәа иарбоу аӡиа аҿы иҟалаз аҧсыӡ аҧсра амзыз ҳасабла ачымазара ҿкы иадҳәалоу аверсиа мап ацәыркит. Урҭ иҟарҵо адыррақәа рыла, иҧсыз лобан ҳәа изышьҭоу аҧсыӡ хкы (акефаль ҳәа изышьҭоу аҧсыӡхкқәа иреиуоуп) ачымазара хкы рыхьны иҧсит ҳәа узҳәом.

Аҵарауаа рышьақәырҕәҕәарала, иҳараку аӡы аҧхарреи, аӡы иалоу акислород азымхареи роуп аҧсыӡ аҧсра зыдҳәалоу.
“Уажәы иуҳәаратәы иҟоуп, алобан ҳәа изышьҭоу аҧсыӡ мацара шакәу иҧсыз. Убри аамҭазы, аӡиа иҭоу аҧсыӡ егьырҭ ахкқәа аҧырхага рмоуӡеит. Аус злоу уи ауп, лобан ҳәа изышьҭоу аҧсыӡ хкы амшын аҿы иҭоу ҧсыӡ хкуп. Ари аҧсыӡ, абжьааҧны аӡымшьа аҿы иуҧылаӡом. Уи иарбоу аӡиас иҭаҵан”, – ҳәа алкаа ҟаҵо иазгәеиҭеит Роман Дбар.

Иара убас, Роман Дбар иажәақәа рыла, аӡиа, аканализациатә црыҵқәагьы уахь иналаҵаны, еиуеиҧшым ацрыҵқәагьы алалоит. Убри аан, ас еиҧш аҭагылазаашьа жәашықәсала ишьақәгыланы иҟоуп. Аӡы аҟьашьра макьаназы зырҽеира амуа аҟазшьа шамамгьы, уи аӡиаҿы акислород мыцхәы зфо еиуеиҧшым аҵиаақәа реизҳара цәырнагар алшоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа