Ажәабжьқәа

Популярное

Роман Адлеиба иҭахаз рыҧсыбаҩ аҧшаара шымҩаҧысуа азы: зегьы гәаҳҭаанӡа аус ааулоит

353
05.07.2018 13:16
Роман Адлеиба иҭахаз рыҧсыбаҩ аҧшаара шымҩаҧысуа азы: зегьы гәаҳҭаанӡа аус ааулоит
Аҟәатәи апарк “Сказка” аҿы Аҧсны Аџьынџьтәылатәи еибашьра аҿы иҭахаз рыҧсыбаҩ аҧшаара иадҳәалоу аусмҩаҧгатәқәа мҩаҧысуеит.

Аҟәа. Ҧхынгәымза 5. Аҧсныпресс. Мадина Чагәааҧҳа. Аџьар Ҟаҧшь Жәларбжьаратәи Аилак, Аҧсны Аџьынџьтәылатәи еибашьра аҿы иҭахаз рыҧсыбаҩ аҧшаареи иҭахаз рхаҭара ашьақәыргылареи рзы 2013 шықәсазы ихацыркыз Апрограмма аҳәаақәа ирҭагӡаны, Аҟәатәи апарк “Сказка” аҿы аусурақәа мҩаҧнагоит. Уи азы адыррақәа Аҧсныпресс ахь иааицҳаит Аҧсны аминистрцәа Реилазаара аҿы иҟоу, хабарда ибжьаӡыз рзы азҵаарақәа рызбара азы азинмчы змоу Роман Адлеиба.



Роман Адлеиба иажәақәа рыла, аусурақәа ирылахәуп хыҧхьаӡара рацәала ауаа, аха уажәы апарк “Сказка” иахьаҵанакуа аҧсыбаҩ ҳәа акгьы рымҧшааӡацт. “Зегьы гәаҳҭаанӡа аус ааулоит. Ара иҭахаз аҧсыбаҩқәа змадоу адгьылҭыҧқәагьы ыҟоуп ҳәа агәызҩаратә даррақәа ыҟоуп”. Роман Адлеиба иҟаиҵаз адыррақәа рыла, уаанӡа ари аҩыза аҧшааратә усмҩаҧгатәқәа мҩаҧган Курченко лыхьӡ зху апарк аҿы. “Аҧсны 40 инарзынаҧшуа аҭыҧқәа рҿы аҧшааратә усмҩаҧгатәқәа рынагӡана азҧхьагәаҭаны иҟоуп. Иҭахаз рхаҭара ашьақәыргылара иадҳәалоу аусмҩаҧгатәқәа абжьааҧны аҧхынроуп ианымҩаҧысуа. Аха зегьы даусы рхатәы знеишьа рымоуп”, – ҳәа иҳәеит Роман Адлеиба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа