Ажәабжьқәа

Ричи Сыҷынааи Даниел Гәымбеи зхы иақәиҭу аиқәҧаразы Коми аҧхьахәгара аҿы актәи аҭыҧқәа ааныркылеит

93
13.05.2019 11:23
Ричи Сыҷынааи Даниел Гәымбеи зхы иақәиҭу аиқәҧаразы Коми аҧхьахәгара аҿы актәи аҭыҧқәа ааныркылеит
Аицлабрақәа Урыстәыла ашколхәыҷқәа IX аҧхынтәи рыспартакиада II аетап аҳәаақәа ирҭагӡаны имҩаҧысит.

Аҟәа. Лаҵарамза 13. Аҧсныпресс. Ареспублика Коми, ақалақь Сыктывкар, 18 шықәса зхымҵыц арҧарцәа рыбжьара зхы иақәиҭу аиқәҧаразы Аҩада-Мраҭашәаратәи афедералтә округ аҧхьахәгара мҩаҧысит.  Аицлабрақәа Урыстәыла ашколхәыҷқәа IX аҧхынтәи рыспартакиада II аетап аҳәаақәа ирҭагӡаны имҩаҧысит.

Атурнир рхы аладырхәит Урыстәыла арегилнқәа жәпакы рҟынтәи 100-ҩык инареиҳаны аиқәҧаҩцәа.

Аицлабрақәа иара убас рхы аладырхәит аҧснытәи аспортсменцәагьы – уажәы азыҟаҵаҩ Виктор Ходжаев инапхгарала аолимпиатә чемпионқәа Анатолии Сергеи Белоглазоваа рыхьӡ зху аиқәҧарақәа рзы аолимпиатә резерв иатәу аспорттә школ аҿы зҽазыҟазҵо, Игорь Бераиеи Мераб Ҳашбеи рааӡамҭа Ричи Сыҷынааи, Сыктывкар азы иқәгыло Даут Лазба иазыҟаиҵо Даниел Гәымбеи.

Аицлабрақәа реихшьаалақәа рыла, Ричи Сыҷынааи Даниел Гәымбеи  актәи аҭыҧқәа ааныркылеит. Ричи Сыҷынаа акапантә категориа 65 кьыла иҟоу рыбжьара, Даниел Гәымба – 55 кьыла иҟоу рыбжьара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа