Ажәабжьқәа

Популярное

Риҵатәи амилаҭтә реликттә парк аҿы “Кавказтәи аҳәарҧсарра аҧсабара” ҳәа хьӡыс иаманы афотоцәыргақәҵа аатуеит

79
17.06.2019 14:51
Риҵатәи амилаҭтә реликттә парк аҿы “Кавказтәи аҳәарҧсарра аҧсабара” ҳәа хьӡыс иаманы афотоцәыргақәҵа аатуеит
Ацәыогақәҵа аҿы ицәыргахоит 48 усумҭа.

Аҟәа. Рашәарамза 17. Аҧсныпресс. Дамеи Касланӡиа. Риҵатәи амилаҭтә реликттә парк аҿы рашәарамза 27 рзы “Кавказтәи аҳәарҧсарра аҧсабара” ҳәа хьӡыс иаманы афотоцәыргақәҵа аатуеит.

Риҵатәи ареликттә милаҭтә парк аекологиатә ҵарадырра атҵаара аҟәша аусзуҩ Анжела Цушба Аҧсныпресс акорреспондент диҿцәажәо еиҭалҳәеит: “Ацәыргақәҵа Аҧсны Кавказтәи абиосфертә ҳәарҧсарра аус ацура аҳәаақәа ирҭагӡаны еиҿкаауп. Зыдгалара мҩаҧгахо аинформациа Аҧсны ауааҧсыра рзы еиҧш, атуристцәагьы рзы хра алоуп. Ицәыргақәҵахо афотоусумҭақәа Кавказ аҧсабара аҧшӡара гәыкала бзиа избо аҳәарҧсарра анаука аусзуҩцәа рыла инагӡоуп. Ацәыргақәҵа иаҭаауа ирбараны иҟоуп 48 рҟынӡа аусумҭақәа. Ацәыргақәҵа ахықәкы хада – уаҳа шамахамзар џьара иуҧымло аҧсабара аҧшӡара ауааҧсыра рганахьала ахшыҩзышьҭра аҭара алыршара. Агәаанагара сымоуп ацәыргақәҵа иаҭаауа иара убас аҳәарҧсарра афлореи афаунеи ирызку адыррақәа роуртә аҭагылазаашьа шаҧҵахо”. Анжела Цушба иара убас ацәыргақәҵа 

Германиеи Урыстәыла арегионқәеи рҿы ишымҩаҧысхьо азгәалҭеит. “Апроект аҳәаақәа ирҭагӡаны ҳашколхәыҷқәа рлагерь ахь амҩа иқәнаҵы ҳцәыргақәҵа иаҭаартә, рхы аладырхәыртә еиҧш алшара роуеит”, – ҳәа еиҭалҳәеит Анжела Цушба.  


(АП): Апроект Германиатәи аҧсабара ахьчара Аидгылара ацхыраарала Кавказтәи аҳәарҧсарра ала инагӡоуп. Германиатәи аҧсабара ахьчара Аидгылара (NABU) – ижәытәӡатәиу Германиатәи аҧсабара ахьчаразы аиҿкаарақәа иреиҳау ауп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа