Ажәабжьқәа

Популярное

Рауль Хаджимба Владимир Путин Урыстәылатәи Афедерациа Ахада имацҵураҭыҧ аанкылара идиныҳәалеит

462
07.05.2018 16:53
Рауль Хаджимба Владимир Путин Урыстәылатәи Афедерациа Ахада имацҵураҭыҧ аанкылара идиныҳәалеит
“Агәра згоит Урыстәылатәи Афедерациа Ахада имаҵураҟны шәусура аҧхьаҟагьы ҳажәларқәа реиҩызаратә еизыҟазаашьақәеи агәреибагара шьаҭас измоу Аҧсни Урыстәылеи рыбжьара аҩганктәи аусеицуреи аидгылареи рырҕәҕәара ишацхраауа”, – хәа иазгәеиҭеит Рауль Хаџьымба.

Аҟәа. Лаҵарамза 7. Аҧсныпресс. Аҧсны Аҳәынҭқарра Ахада Рауль Ҳаџьымба Владимир Путин Урыстәылатәи Афедерациа Ахада имацҵураҭыҧ аанкылара идиныҳәалеит. 

Адныҳәалараҿы ахәҭакахьала иазгәаҭоуп: 

"Ҳаҭыр зқәу Владимир Владимир-иҧа!

Гәык-ҧсыкала ишәыдысныҳәалоит Урыстәылатәи Афедерациа Ахада имаҵура аанкылара.

Урыстәыла жәлар иалырхыз аӡбара ҟәыҕа даҽа зныкгьы атәылахьчара зылшо, економикала иҕәҕәоу, иҭышәынтәалоу аҳәынҭқарра аҧхьаҟагьы аҿиара иазку Шәара иазылышәхыз ахырхарҭа агәра шырго шьақәнарҕәҕәоит.

Сгәы иаанагоит ҳтәылақәа ирыбжьоу аидгыларатә усеицуреи аҧхьаҟатәи астратегиатә еиҩызареи Аҧсны адәныҟатәи аполитикаҿы  акрызҵазкуа хырхарҭаны иҟоуп ҳәа.   

Агәра згоит Урыстәылатәи Афедерациа Ахада  имаҵураҟны шәусура аҧхьаҟагьы ҳажәларқәа реиҩызаратә еизыҟазаашьақәеи агәреибагара шьаҭас измоу Аҧсни Урыстәылеи рыбжьара аҩганктәи аусеицуреи аидгылареи рырҕәҕәара ишацхраауа.

Ҳаҭыр зқәу Владимир Владимир-иҧа, азин сышәҭозар, ишәзеиҕьасшьар сҭахуп агәабзиара, агәамч, иҳараку аҳәынҭқарратә маҵураҟны аихьӡарақәа, Урыстәыла ажәлар зегьы ирзеиҕьасшьоит аҭынчра, аизҳазыҕьара".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа