Ажәабжьқәа

Популярное

Рауль Ҳаџьымбеи Анатоли Бибилови ҭелла реиҿцәажәараҿы аахыҵ-уаҧстәылатәи аҳәынҭқарратә ҳәаа аилагара иадҳәаланы ишьақәгылаз аҭагылазаашьа иалацәажәеит

65
05.09.2019 20:10
Рауль Ҳаџьымбеи Анатоли Бибилови ҭелла реиҿцәажәараҿы аахыҵ-уаҧстәылатәи аҳәынҭқарратә ҳәаа аилагара иадҳәаланы ишьақәгылаз аҭагылазаашьа иалацәажәеит
Анатоли Бибилов Рауль Ҳаџьымба иҭабуп ҳәа иеиҳәеит Аҧсны анапхгареи атәыла ауаажәларратә еиҿкаарақәеи Аахыҵ Уаҧстәыла Ареспублика амчхарақәа имҩаҧырго аусураҟны иҟарҵо адгылареи, арегион аҟны аҭагылазаашьа зыруадаҩуа Қырҭтәыла аганахьала имҩаҧысуа аусқәа рҿагылареи рзы.

Аәа. Цәыббрамза 5. Аҧсныпресс. Цәыббрамза 5 рзы имҩаҧысит Аҧсны Аҳәынҭқарра Ахада Рауль Ҳаџьымбеи Аахыҵ Уаҧстәыла Ареспублика Ахада Анатоли Бибилови ҭелла реицәажәара.

Аҳәынҭқарра Ахадацәа еиҭа Аахыҵ Уаҧстәылеи Қырҭтәылеи ирыбжьоу аҳәаа аилагарақәеи Қырҭтәыла аполициа аблокпост мыругала аиқәыршәареи ирыдҳәалоу азҵаарақәа инарымаданы ақыҭа Уиста аҳаблаҟны иҟоу аҭагылазаашьа иалацәажәеит.

Анатоли Бибилов Рауль Ҳаџьымба иҭабуп ҳәа иеиҳәеит Аҧсны анапхгареи атәыла ауаажәларратә еиҿкаарақәеи Аахыҵ Уаҧстәыла Ареспублика амчхарақәа имҩаҧырго аусураҟны иҟарҵо адгылареи арегион аҟны аҭагылазаашьа зыруадаҩуа Қырҭтәыла аганахьала имҩаҧысуа аусқәа рҿагылареи рзы.

Рауль Ҳаџьымба иазгәеиҭеит Аҧсны Аҳәынҭқарра есқьынгьы Аахыҵ Уаҧстәыла аиашьаратә жәлар рыцхыраара ишазхиоу. Иара убас иҳәеит ишьақәгылаз аҭагылазаашьа аиҿцәажәарақәа рыла амҩақәҵара аҭахуп ҳәа игәы ишаанаго.

Анатоли Бибилов инаҵшьны иазгәеиҭеит Қырҭтәыла анапхгара аганахьала апровокациақәа шыҟоугьы, Аахыҵ Уаҧстәыла иалшо зегьы шыҟанаҵо ареспубликаҟны ашәарҭадареи аҭышәынтәалареи реиқәырхара алыршаразы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа