Ажәабжьқәа

Популярное

Рауль Ҳаџьымбеи Алхас Кәыҵниеи аҩбатәи атур ахь инеит

641
26.08.2019 12:26
Рауль Ҳаџьымбеи Алхас Кәыҵниеи аҩбатәи атур ахь инеит
Аҧсны ҩымчыбжь ирылагӡаны имҩаҧгахоит Аҳәынҭқарра Ахада иалхрақәа аҩбатәи атур.

Аҟәа. Нанҳәамза 26. Аҧсныпресс. Аҧсны алхратә комиссиа Хада жәларбжьаратәи апресс-центр аҿы Аҧсны Аҳәынҭқарра Ахада иалхрақәа актәи атур аихшьаалақәа ҟарҵеит.

АКХ иҟанаҵо адыррақәа рыла, Аҳәынҭқарра Ахада иалхрақәа аҩбатәи атур ахь инеит акандидатцәа Рауль Ҳаџьымбеи Алхас Кәыҵниеи.

Аҧсны алхратә комиссиа Хада ахантәаҩы Ҭамаз Гогиа абжьыҭира заанаҵтәи алҵшәақәа рзы адырра ҟаиҵеит: 

“Алхыҩцәа рсиа иалагалахаз алхыҩцәа рзеиҧш хыҧхьаӡара 129 421-ҩык рҟынӡа инаӡеит. Абжьыҭира рхы аладырхәит 86 138-ҩык алхыҩцәа:
– Рауль Ҳаџьымба 20 544 бжьы иоуит – 23,85%;
– Олег Аршба 18 665 бжьы иоуит – 21,60%;
– Алхас Кәыҵниа – 18 929 бжьы иоуит – 21,97%;
– Асҭамыр Ҭарба набрал 5 695 бжьы иоуит – 6,60%;
– Леонид Ӡаҧшьба – 4 935 бжьы иоуит – 5,70%;
– Шамиль Аӡынба – 3 579 бжьы иоуит – 4,15%;
– Алмас Џьапуа – 1 753 бжьы иоуит – 2%;
– Артур Анқәаб – 1 403 бжьы иоуит – 1,60%;
– Асҭамыр Какалыиа – 841 бжьы иоуит – 0,97%.

Акандидатцәа зегьы ирҿагылеит 1 677 – 1%.

Иҧхасҭартәыз алхратә биуллетенқәа рхыҧхьаӡара 4 770 рҟынӡа инаӡеит, уи 5,5% ыҟоуп.

Аҧсны Аҳәынҭқарра Ахада иалхрақәа аҩбатәи атур ҩымчыбжь ирылагӡаны имҩаҧгахоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа