Ажәабжьқәа

Популярное

Рауль Ҳаџьымба: Тҟәарчал ақалақь иаиуеит ақыҭақәа ақалақь иамаздо амҩатә инфраструктура

196
30.07.2019 18:40
Рауль Ҳаџьымба: Тҟәарчал ақалақь иаиуеит ақыҭақәа ақалақь иамаздо амҩатә инфраструктура
Аҧсны Аҳәынҭқарра Ахада Ҭҟәарчал араион ашҟа аусуратә ҭаара мҩаҧигеит.

Аҟәа. Ҧхынгәымза 30. Аҧсныпресс. Дамеи Касланӡиа. Аҳәынҭқарра Ахада, Ҭҟәарчал араион ахь иусуратә ҭаарра аҳәаақәа ирҭагӡаны, аргыларақәеи аиҭашьақәыргылареи ахьымҩаҧысуа аобиектқәа дырҭааит.



Аҳәынҭқарра Ахада иара убас даҭааит Ҭҟәарчалтәи 5-тәи абжьаратәи ашкол. Ара арҽеиратә усурақәа мҩаҧысуеит абаза наплакҩы, амеценат ихарџьқәа рыла. Убас, ашкол адиректор Дмитри Шьоуа абжьаратәи ашкол №5 аҿы аиҭашьақәыргыларатә усурақәа шымҩаҧысуа азы адырра ҟаиҵеит: “Ари ашкол аҟны 1985 шықәса раахыс арҽеиратә усурақәа мҩаҧгамызт. Нанҳәамза 20 – нӡа ауадақәа рыҩныҵҟа рҽеихоит, аҧенџьырқәеи ашәқәеи ҧсаххоит. Аусура аҕьырак хыркәшахоит, иаанхаз ашьыхрақәеи, ашәрақәеи роуп. Ари ашкол далгахьан Ахада Рауль Ҳаџьымба. Уажәы ара аҵара рҵоит 100 рҟынӡа ахәыҷқәа”.



 Иара убас Ҭҟәарчал араион ахада Аида Чачхалиа ақалақьтә џьармыкьа аиҭашьақәыргылара атәы далацәажәеит:  "Аџьырмыкьа даара арҽеира аҭахын, Ахада ибзоураны, ареспубликатә биуџьет ахарџь ала аиҭашьақәыргылара иалагеит. Ҳазҭагылоу аамҭазы адәқьанеишәақәа рыргылара иаҿуп, ахыб хиоуп. Аџьырмыкьа акәша-мыкәша иара иаҵанакуа адәқьанқәа ыҟоуп, урҭ қьырала ҳауаажәлар иргоит. Анаҩс арҭ адәқьанқәагьы рырҽеира ҳалагоит. Уи акорпус хада арҽеиратә усурақәа рышьҭахь. Аргылара хацыркын ҵыҧх, иҟан 80 ҭыҧ, шьҭа 140 ҭыҧ ҟалараны иҟоуп. Аусурақәа реиҳарак ҟаҵоуп, лассы зегьы хыркәшахап ҳәа ҳгәы иаанагоит”.



Иара убас,  Аҳәынҭқарра Ахада ибеит амашьынамҩа «Тҟәарчал-Бедиа» аҟны имҩаҧысуа аусура.

Ареспубликатә Унитартә Наплакы “Аҧснымҩа” анапхгаҩы Борис иҳәеит амашьынамҩаҟны аусурақәа шымҩаҧысуа атәы: “Аусура иалагеит 2017 шықәсазы, ара акырџьара адгьыл ҳәазоит, 5 инареиҳаны аҵыргәа ҭыӡқәа ргылан. Апроект ахарџьынҵа – 58 миллион мааҭ рҟынӡа инаӡоит. Амҩақәа роура – 11,5 километр ыҟоуп, иҟаҵоуп 7 км рҟынӡа. Ҳаграфик ҳацәхҟьеит ацҳақәа 4 иҿыцны иргылатәхеит, Аҧсны анапхгара урҭ рыргаларазы аҧара азоунажьит. 9 қыҭак еимаздо ари амҩа акраҵанакуеит”.

Аҳәынҭқарра Ахада аусуратә ҭаара аихшьаалақәа ҟаиҵеит: “Аҵыхәтәаны ҳаныҟаз аахыс иҟаҵоу маҷӡам. Аобиектқәа акыр ахыркәшарахь инеит. Араион азы уажәы ихадароу амҩуп. Амза 10 шыҟоу аусурақәа хыркәшахароуп, Тҟәарчал ақалақь иаиуеит ақыҭақәа ақалақь иамаздо амҩатә инфраструктура”, – ҳәа инаҵшьны иазгәеиҭеит Аҳәынҭқарра Ахада Рауль Ҳаџьымба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа