Ажәабжьқәа

Популярное

Рауль Ҳаџьымба Руслан Ҳашыг ииубилеи идиныҳәалеит

73
14.06.2019 11:40
Рауль Ҳаџьымба Руслан Ҳашыг ииубилеи идиныҳәалеит
Аҧсны Аҳәынҭқарра Ахада Рауль Ҳаџьымба Аҧсны Ажурналистцәа реидгыла Ахантәаҩы, ателеканал “Абаза ТВ” Адиректор хада Руслан Ҳашыг 60-шықәсаихыҵратәи аиубилеи идиныҳәалеит.

Аҟәа. Рашәарамза 14. Аҧсныпресс. Аҧсны Аҳәынҭқарра Ахада Рауль Ҳаџьымба Аҧсны Ажурналистцәа реидгыла Ахантәаҩы, ателеканал “Абаза ТВ” Адиректор хада, ауаажәларратә палата алахәҩы, “Ахьӡ-Аҧша” аорден III аҩаӡара занашьоу Руслан Ҳашыг 60-шықәсаихыҵратәи аиубилеи идиныҳәалеит.

Адныҳәалараҟны, ҷыдала, иҳәоуп:

“Ҳаҭыр зқәу Руслан Мкан-иҧа,

Ишәыдысныҳәалоит 60-шықәсашәхыҵратәи аиубилеи!

Шәара акыршықәса лыҵшәабзиала имҩаҧыжәго шәыпрофессионалтә усура аҧсуа журналистика аҿиараҿы лагаламҭа дуны иҟоуп.

Напхгара зышәҭо ихьыҧшым ателехәаҧшратә еилахәыра “Абаза ТВ” уажәшьҭа жәашықәса инареиҳаны ахәаҧшцәа ирыднагалоит зхаҭабзиара ҳараку, изаамҭанытәиу аинформациа.

Ателеилахәыра “Абаза ТВ” аколлектив аҩныҵҟа реидкылара шәылшеит абаҩхатәра змоу, зыпрофессионалтә ҩаӡара есааира иазҳауа аҿар.

Иазгәаҭазар ахәҭоуп, Шәара Ажурналистцәа реидгыла анапхагарахь шәнеижьҭеи, уи аусура амҽхак акыр иҭбаахеит. Шәырҿиаратә усура ианыҧшуеит иара убас қәҿиарала имҩаҧысуа аҳәаанырцәтәи шәколлегацәеи шәареи шәеимадарақәа.

Руслан Мкан-иҧа, шәымшира аҽны ишәзеиӷьасшьоит агәабзиара, агәамч ӷәӷәа, шәнапы злаку аусқәа рҿы аихьӡара ҿыцқәа!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа