Ажәабжьқәа

Популярное

Рауль Ҳаџьымба Рашид Нургалиев диҧылеит

73
10.06.2019 19:39
Рауль Ҳаџьымба Рашид Нургалиев диҧылеит
Урыстәылатәи Афедерациа ашәарҭадара Ахеилак Амаӡаныҟәгаҩ ихаҭыҧуаҩ Рашид Нургалиев Аҧсны усуратә визитла даҭааит.

Аҟәа. Рашәарамза 10. Аҧсныпресс. Аҧсны Аҳәынҭқарра Ахада Рауль Ҳаџьымба Урыстәылатәи Афедерациа ашәарҭадара Ахеилак Амаӡаныҟәгаҩ ихаҭыҧуаҩ Рашид Нургалиев диҧылеит. 

Рашид Нургалиев аҧсшәа иаҳәо, Аҳәынҭқарра Ахада иазгәеиҭеит: “Ҳусеицура аҳәаақәа Урыстәылатәи Афедерациеи Аҧсны Аҳәынҭқарреи ирыбжьарҵаз Аиқәшаҳаҭра ду ала иҳәаақәҵоуп. Ари азинхьчаратә усбарҭақәа, атәылахьчаратә хылаҧшырҭақәа, аҳәаахьчаратә, аҳазылхратә, амедицинатә, уҳәа атематикақәа рыла аусеицура иадҳәалоу азҵаарақәа роуп. Имҩаҧгахо аусмҩаҧгатәқәеи, хра злоу уи алҵшәақәеи аганқәа иарбоу ахырхарҭала аусура ацҵара ишазхиоу аанарҧшуеит”.

Ахәҭакахьала, Рашид Нургалиев ашәарҭадара аганахьала аусеицура иаҵоу аҵакы хада ҷыдала дазааҭгылеит. “Ашәарҭадара аҵакыра ҳара ҳзы акырӡа аҵанакуеит. Адунеи аҿы ҳаамҭазы имҩаҧысуа ахҭысқәа ирҿырҧшны уахәаҧшуазар, ашәарҭадара архитектура адәныҟатәи ашәарҭарақәа ирҿагылартә иҟазароуп”, – ҳәа инаҵшьны иазгәеиҭеит Рашид Нургалиев. 

Аиҧылара иара убас рхы аладырхәит Аҧсны Аҳәынҭқарра ашәарҭадара Ахеилак Амаӡаныҟәгаҩ Маҳамад Кьылбеи, Аҧсны иҟоу Урыстәылатәи Афедерациа аҷыдалкаатә зинмчы змоу Ацҳаражәҳәаҩ Алексеи Двинианини.


(АП): Рашәарамза 10 рзы Урыстәылатәи Афедерациа ашәарҭадара Ахеилак Амаӡаныҟәгаҩ ихаҭыҧуаҩ Рашид Нургалиев Аҧсны Аҳәынҭқарра усуратә визитла даҭааит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа