Ажәабжьқәа

Рауль Ҳаџьымба Нури Ҭаниа ииубилеи идиныҳәалеит

67
15.04.2019 16:12
Рауль Ҳаџьымба Нури Ҭаниа ииубилеи идиныҳәалеит
“Еиуеиҧшым аҳәынҭқарратә маҵзурақәа рҿы шәаныҟаз шәнапынҵақәа еснагь ҭахҧхықәрала шәрызнеиуан, иреиҕыз алҵшәақәа аашәырҧшуан”, – ҳәа иазгәеиҭеит Рауль Ҳаџьымба.

Аҟәа. Мшаҧымза 15. Аҧсныпрес. Аҧсны Аҳәынҭқарра Ахада Рауль Ҳаџьымба Аҧсны Аҳәынҭқарра Аконституциатә ӡбарҭа ахантәаҩы Нури Ҭаниа ииубилеи идиныҳәалеит.

Адныҳәалараҿы, ҷыдала, иҳәоуп:

“Ҳаҭыр зқәу Нури Арзадын-иҧа!

55 шықәса шәхыҵра инамаданы, гәык-ҧсык ала сыдныҳәалара шәыдышәкыл.

Шәыпрофессионалтә ҩаӡара, шәдыррақәа аҳәынҭқарра аинтересқәа рыхьчараҿы, аҧсадгьыл амаҵ аураҿы ҿырҧшы бзианы иаанхоит.
 
Еиуеиҧшым аҳәынҭқарратә маҵзурақәа рҿы шәаныҟаз шәнапынҵақәа еснагь ҭахҧхықәрала шәрызнеиуан, иреиӷьыз алҵшәа аашәырҧшуан.

Иахьа Шәара аҭакҧхықәра ду зцу амаҵура, Аҧсны Аҳәынҭқарра Аконституциатә ӡбарҭа ахантәаҩы иҭыҧ аанышәкылоит. Ихадароу уснагӡатәны шәҿаҧхьа иқәгылоуп Аконституциа ахьчара,  ҳтәылаҟны ақәнага апринципқәа, азакәани азини рҧыжәара ашьақәырҕәҕәара.

Исымоу аҭагылазаашьа схы иархәаны, ҳаҭыр зқәу Нури Арзадын-иҧа, ишәзеиӷьасшьоит агәабзиара, агәамч, аҭынчра,  аизҳазыӷьара, шәыҧсадгьыли шәыуаажәлари рымаҵ аура аҟны аихьӡарақәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа