Ажәабжьқәа

Популярное

Рауль Ҳаџьымба Мусса Екзеков ииубилеи идиныҳәалеит

797
13.08.2019 13:49
Рауль Ҳаџьымба Мусса Екзеков ииубилеи идиныҳәалеит
“Шәыҧсҭазаара хықәкы хадас иамоуп ауаа рыхӡыӡаара, рыгәцаракра, уи ауп изызбзоурахаз Аҧснеиҧш, уи анҭыҵгьы ажәлар рганахьала ишәымоу аҳаҭыр дуи абзиабареи”, – ҳәа инаҵшьны иазгәеиҭеит Рауль Ҳаџьымба.

Аҟәа. Нанҳәамза 13. Аҧсныпресс. Аҧсны Аҳәынҭқарра Ахада Рауль Ҳаџьымба Адунеизегьтәи аҧсуа-база жәлар Рконгресс Иреиҳаӡоу ахеилак Ахантәаҩы Мусса Екзеков ииубилеи идиныҳәалеит.

Адныҳәалараҟны иҳәоуп:

“Гәык-ҧсыкала ишәыдысныҳәаларц сҭахуп шәиубилеи! Шәара шәыҧсҭазааратә мҩа зегьы хамеигӡарада шәыжәлар рымаҵ аура иазкуп. Шәыҧсҭазаара хықәкы хадас иамоуп ауаа рыхӡыӡаара, рыгәцаракра, уи ауп изызбзоурахаз Аҧснеиҧш, уи анҭыҵгьы ажәлар рганахьала ишәымоу аҳаҭыр дуи абзиабареи.

Аҧсуа-абаза конгресс Иреиҳаӡоу ахеилак Ахантәаҩы имаҵураҟны Шәара имҩаҧыжәго акультура-ҵаралашаратә, агуманитартә усуреи амеценатреи рыла ҳдиаспора аҭоурыхтә Ҧсадгьыл адҳәалара аус аҟны шәлагаламҭа дууп. Ахә ҳаракны ишьатәуп аҧсуа-абаза жәлар реидкылара иазку ганрацәалатәи ауаажәларратә усура.

Ишәзеиҕьасшьоит агәабзиара, агәамч, ақәранҵыра ду, шәнапы злаку хьӡы змоу агәыҳаларатә миссиаҟны аихьӡара дуқәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа