Ажәабжьқәа

Рауль Ҳаџьымба Муса Шанибов дидикылеит

427
19.08.2016 12:31
Рауль Ҳаџьымба Муса Шанибов дидикылеит
Аҧсны Ахада Рауль Ҳаџьымба Кавказ ашьхарыуа жәларқәа Рконфедерациа аветеранцәа Реидгыла ахантәаҩы Муса Шанибов дидикылеит.

Аҟәа. Нанҳәамза 19. Аҧсныпресс. Аиҧылараҿы Аҧсни Нхыҵ Кавказтәи аиашьаратә жәларқәа реимабзиаратә еизыҟазаашьақәа рыҿиареи рырҕәҕәареи ирыдҳәалаз еиуеиҧшым азҵаарақәа ирылацәажәеит.

Рауль Ҳаџьымба арҭ аимадарақәа рырҕәҕәара иаҵоу аҵакы хадара дазааҭгылеит. Уи хатәгәаҧхарала Аҧсны еибашьуаз Рымшныҳәа, Аиааира Амш, уҳәа реиҧш иҟоу, акыр зҵазкуа, ихадоу аныҳәамшқәа реицызгәаҭара шхымҧадтәиу азгәеиҭеит.

“Ҳара ҳзы аибашьраан хатәгәаҧхарала иааны ҳаҧсадгьыл ахьчараҿы иҳавагылаз ҳашьцәа –аиашьареи акзаареи рҿырҧшы ҳасабала иҳадаҳкылоит. Урҭ ҭоурыхла наџьнатә аахыс ҳажәларқәа ршьа-рда иалаз аимадара иахьагьы ишыҟоу дырҵабыргит. Хатәгәаҧхаралатәи аидгылара – ҳара ҳаиашьаратә еизыҟазаашьақәа рырҕәҕәара уасхырны иамоуп”, – ҳәа иҳәеит Аҳәынҭқарра Ахада.

Муса Шанибов, Нхыҵ Кавкази Аҧсни ирыбжьоу аимадара арҕәҕәаразы Аҧсны анаҧхгара иҟанаҵо алшамҭақәа рылацәажәара ҷыдала дазааҭгылеит.

Аиҧылараҿы Аҧсни Нхыҵ Кавказтәи аиашьаратә жәларқәа реимабзиаратә еизыҟазаашьақәа рыҿиареи рырҕәҕәареи ирыдҳәалаз еиуеиҧшым азҵаарақәа ирылацәажәеит. Иара убас, атәылаҿы ишьақәгылаз ауаажәларра-политикатә ҭагылазаашьагьы иалацәажәеит. Рауль Ҳаџьымба, аҳәынҭқарра аргылара иадҳәалоу апроцесс аҿы атәылаҿы иҟоу ауаажәларра-политикатә мчқәа зегьы реидгыларала аекономикатә еизҳазыҕьара ашьақәыргылара шхымҧадатәиу азгәеиҭеит.

Аиҧылара иара убас ихы алаирхәит Аҳәынҭқарра Ахада иабжьгаҩ Владимир Занҭариа.

Абри атәы аанацҳауеит Аҧсны Аҳәынҭқарра Ахада иофициалтә саит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа