Ажәабжьқәа

Рауль Ҳаџьымба Мураҭ Кумпиловиира Амш идиныҳәалеит

205
27.02.2019 15:52
Рауль Ҳаџьымба Мураҭ Кумпиловиира Амш идиныҳәалеит
"Сара Аҧсны Аҳәынҭқарреи Ареспублика Адыгеиеи ирыбжьоу аамҭа иҧнашәаз аиашьаратә еизыҟазаашьақәа аринахысгьы аҿиара шроуа азы агәра згоит", – ҳәа иазгәеиҭеит Аҳәынҭқарра Ахада.

Аҟәа. Жабранмза 27. Аҧсныпресс. Аҳәынҭқарра Ахада Рауль Ҳаџьымба Ареспублика Адыгеиа Ахада Мураҭ Кумпилов иира Амш идиныҳәалеит. 

Адныҳәалараҿы, ахәҭакахьала иазгәаҭоуп:

“Шәара шәырдыруеит аҭакзыҧхықәу, аҧышәа змоу анапхгаҩы, абаҩхатәра змоу иналукааша уаҩык иаҳасабала. Ареспублика Адыгеиа Ахада имаҵураҟны Шәара хшыҩзышьҭра ду ашәҭоит ауааҧсыра рыҧсҭазаашьа аиҕьтәра азҵаара. Шәтәылаҟны иҟоу актуалра змоу апроблемақәа рдырра иабзоуроуп шәусураҿы ишәымоу аихьӡарақәеи, шәыжәлар рыҩныҵҟа ишәымоу ахьӡи аҳаҭыри.

Сара Аҧсны Аҳәынҭқарреи Ареспублика Адыгеиеи ирыбжьоу аамҭа иҧнашәаз аиашьаратә еизыҟазаашьақәа аринахысгьы аҿиара шроуа азы агәра згоит.

Абри амш аҽны, ҳаҭыр зқәу Мураҭ Каральби-иҧа, ишәзеиҕьасшьоит агәабзиара, агәамч, аизҳазыҕьара, ақәҿиарақәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа