Ажәабжьқәа

Популярное

Рауль Ҳаџьымба: Кутузови Аеҵәа ҟаҧшьи занашьоу 7-тәи Краснодартәи абираҟҟаҧшьтә арратә база знысыз аибашьратә мҩа Аҧсадгьыл ахьчаразы зеиҧш ыҟам ҿырҧшыгоуп

135
21.07.2018 16:51
Рауль Ҳаџьымба: Кутузови Аеҵәа ҟаҧшьи занашьоу 7-тәи Краснодартәи абираҟҟаҧшьтә арратә база знысыз аибашьратә мҩа Аҧсадгьыл ахьчаразы зеиҧш ыҟам ҿырҧшыгоуп
Аҧсны Аҳәынҭқарра Ахадеи Ареспублика Адыгеиа Ахадеи Урыстәылатәи Афедерациа Кутузови Аеҵәа ҟаҧшьи занашьоу 7-тәи арратә база 100-шықәса ахыҵра иазку аныҳәатә усмҩаҧгатәқәа рхы аладырхәит.

Аҟәа. Ҧхынгәымза 21. Аҧсныпресс. Дырмит Басариа. Аҧсны Аҳәынҭқарра Ахада Рауль Ҳаџьымбеи Ареспублика Адыгеиа Ахада Мураҭ Кумпилови Урыстәылатәи Афедерациа 7-тәи арратә база 100-шықәса ахыҵра иазку аныҳәатә усмҩаҧгатәқәа рхы аладырхәит.

Аҧсны Аҳәынҭқарра Ахадеи Адыгеиа Ареспублика Ахадеи 7-тәи Краснодартәи абираҟҟаҧшьтә арратә база 100-шықәса ахыҵра инамаданы, 1994 шықәса инаркны 2008 шықәсанӡа Аҧсны Аҳәынҭқарраҟны абжьаҟазаратә миссиа назыгӡоз Урыстәылатәи абжьаҟазаҩцәа рбаҟеи, Идырым асолдаҭ ибаҟеи рымҵан ашәҭшьҭаҵара ацеремониа иалахәын.

Москва Аҩны аҿы имҩаҧгаз аныҳәатә усмҩаҧгатә аҿы дықәгылауа Рауль Ҳаџьымба Урыстәылатәи Афедерациа иатәу 7-тәи арратә база акомандаҟаҵаратә еилазаареи архәҭа аруааи аиубилеитә рыцхә рыдиныҳәалеит:

"Ҳаҭыр зқәу Игор Анатоли-иҧа!

Ҳаҭыр зқәу аофицарцәа, апрапоршьчикцәа, асержантцәа, асолдатцәа!

Кутузови Аеҵәа ҟаҧшьи занашьоу 7-тәи Краснодартәи абираҟҟаҧшьтә арратә база знысыз аибашьратә мҩа Аҧсадгьыл ахьчаразы зеиҧш ыҟам ҿырҧшыгоуп. 

Уажәы Гәдоуҭа игылоу 7-тәи арратә база аибашьҩцәа-аҧсадгьыл ахьчаҩцәа ршьала, рхамеигӡарала, ргәымшәарала иааргаз реибашьратә ҵасқәа, рфырхаҵара, ҧсра зқәым рыхьӡ-рыҧша рымданы анагӡара рылшеит, уҳәар алшоит.

Ҳазҭагылоу аамҭазы ари абаза архәҭа хьыӡла-ҧшала Урыстәылатәи Афедерациеи Аҧсни рҳәынҭқарратә интересқәе, ҳаиҩызаратә ҳәынҭқаррақәа ршәарҭадара ахьчареи рзы игылоуп.

Арратә база 100-шықәса ахыҵра – ари, Алада Урыстәылеи Мрагыларатәи Украинеи рхақәиҭтәразы, Клухортәи ахыҵырҭаҟны анемец оккупантцәа ирҿагыланы аибашьраҟны иаарҧшыз агәымшәарала, афырхаҵарала иҭәу епохоуп.

Шәара шәҭоурых аҟны аҭыҧ ҷыда ааннакылоит 1999 шықәсазы қырҭтәыла-аҧснытәи аибашьратә еиҿагылара ахьыҟаз аҭыҧ аҟны абжьаҟазартә операциа анагӡараҿы архәҭа алахәра. 
Гәык-ҧсыкала ирыдысныҳәалоит асолдатцәа, асержантцәа, аофицерцәа, апрапоршьчикцәа, абаза акомандаҟаҵара – акрызҵазкуа аиубилеи!

Ишәзеиҕьасшьоит аныҳәатә гәалаҟазара, аҧхьаҟагьы Аҧсадгьыл ахьчара иазку аҭакҧхықәра ду зцу аус аҟны аихьӡарақәа!"

Аныҳәатә усмҩаҧгатә ашьҭахь, Аҧсны Аҳәынҭқарра Ахадеи Ареспублика Адыгеиа Ахадеи Ахьӡ-Аҧша апарк аҿы аџьынџьтәылатәи еибашьра аҿы иҭахаз аибашьцәа рбаҟа амҵан ашәҭ шьыҵәрақәа шьҭарҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа