Ажәабжьқәа

Популярное

Рауль Ҳаџьымба хатәгәаҧхарала Аҧсны еибашьуаз рахь: ҳара хымҧада еснагь аимадара ҳабжьазароуп, ҳаизыҟазаашьақәа еиҳа-еиҳа иҕәҕәахалароуп

127
10.09.2017 14:59
Рауль Ҳаџьымба хатәгәаҧхарала Аҧсны еибашьуаз рахь: ҳара хымҧада еснагь аимадара ҳабжьазароуп, ҳаизыҟазаашьақәа еиҳа-еиҳа иҕәҕәахалароуп
Рауль Ҳаџьымба Адыгеиантәи Аҧсныҟа иааны хатзгәаҧхарала еибашьуаз – Аҧсны Аџьынџьтәылатәи еибашьра аветеранцәа  дырҧылеит.

Аҟәа. Цәыббрамза 10. Аҧсныпресс. Маиҟәаҧ ақалақь аҿы Аҧсны Аҳәынҭқарра Ахада Рауль Ҳаџьымба 1992-1993 шш. Аҧсны Аџьынџьтәалатәи еибашьрааан Ареспубдика Адыгеиантәи иааны хатәгәаҧхарала еибашьуаз дырҧылеит. Абри атәы аалыцҳауеит Аҳәынҭқарра Ахада ипресс-маӡаныҟәгаҩ Наала Аҩӡҧҳа.  

“Ҳаҭыр зқәу Рауль Џьумка-иҧа, ҳара даара гәахәарыла иҳадаҳкылоит Шәара шәаара. Ҳажәларқәа ирыбжьоу аимабзиаратә аиашьаратә еизыҟазаашьақәа реиҭаҿиара иашәҭо адгылара ҳазгәадууп. Аринахысгьы Аҧсны еиҧш Нхыҵ -Кавказтәи егьырҭ ареспубликақәеи ҳареи иҳабжьоу хра злоу аусеицура иацҵахап ҳәа агәыҕра ҳамоуп”, – ҳәа иҳәеит Аҧсны хатәгәаҧхарала еибашьуаз Реидгыла ахантәаҩы Каплан Куижев. 

Аҧсни Нхыҵ -Кавказтәи ареспубликақәеи реимадареи русеицуреи аҿиара иаҵоу аҵак ду дазааҭгыло, Рауль Ҳаџьымба иҳәеит: ҳара ҳзы еиҧшҵәҟьа, Нхыҵ Какази алада Урыстәылеи, Аҧсны азы иуадаҩыз аамҭақәа рзы иҳадгылаз зегьы рзы иҳабжьоу аимадара арҕәҕәара акырӡа аҵак ду аҵоуп. Ибзианы иҟаҵаз зегьы еиҵагыло аҿар ираҳҭароуп. Иацы имҩаҧысыз Адыгеиа Анаҧхгара ахаҭарнакцәеи сареи ҳаиҿцәажәараҿы Ареспублика Ахада ауаажәларратә еиҿкаарақәа роума, атәыла анаҧхгара аҿы аус зуа роума, дарбанызаалак зегьы Аҧсни Адыгеиеи , иааизакны Урыстәыла зегьи рыҿиара иазырханы аусура мҩаҧигалароуп ҳәа иазгәеиҭеит.  Аҧсны – исуверентәу ҳәынҭқарроуп, уи ахақәиҭра азы шәара хамеигӡарала шәазықәҧон,  аӡәырҩы аибашьара адәаҿы иаанхеит наӡаӡа. Ҳара хымҧада еснагь аимадара ҳабжьазароуп, ҳаизыҟазаашьақәа еиҳа-еиҳа иҕәҕәахалароуп”. 

Аиҧылара иалагӡаны Аҧсны Ахадеи Адыгеи хатәгәаҧхаралатәи аибашьцәа Реидгылара ахаҭарнакцәеи Аҧсни Адыгеиеи рыбжьара акультура, аспорт, аҿартә политика, аинформациатә усеицура, уҳәа рганахьала аимадара арҕәҕәара азы иҟаҵатәу азы ргәаанагарақәа еибырҳәеит. 

Ахәҭакахьала, Каплан Куижев хатәгәаҧхаралатәи аибашьцәа рыхьӡала Аҧсны Ахада аиҧылара азы ҭабуп ҳәа еиҳәеит. 

”Иҭабуп ҳәа шәасҳәарц сҭахуп ари аиҧылара азы. Шәара ҳарратә ҩыза шәоуп. Шәареи ҳареи иазҧхьагәаҳҭаз аусқәа зегьы рынагӡара алыршахарц азы азеиҕьашьара ҟасҵоит”, – ҳәа иҳәеит иара. 

Аҧсны Аҳәынҭқарра Ахада, иазҧхьагәаҭоу ауснагӡатәқәа рынагӡара, Аҧсни Нхыҵ-Кавказтәи ареспубликақәеи русеицуреи реимадареи аҳәаақәа рырҭбаара иазырхазаауеит ҳәа иазгәеиҭеит. 

“Раҧхьатәи ашьаҿақәа иалаҳхыз амҩа шиашоу аанарҧшыроуп, уи егьырҭгьы ари аус адгыларазы агәацҧыҳәара рынаҭап ҳәа агәра ганы сыҟоуп”, – ҳәа инаҵшьны иазгәеиҭеит Аҧсны Аҳәынҭқарра Ахада Рауль Ҳаџьымба. 


(АП): Цәыббрамза 9 инаркны цәыббрамза 10 рҟынӡа Аҧсны Аҳәынҭқарра Ахада Ареспублика Ахада аамҭала инапынҵақәа назыгӡо Мураҭ Кумпилов иҟаиҵаз ааҧхьарала, Адыгеиа Ахада инаугурациа алахәхаразы Ареспублика Адыгеиа даҭаауеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа