Ажәабжьқәа

Рауль Ҳаџьымба: Хашҭра зқәым ари амш аҽны иааирала ихыркәшахеит ақырҭуа шьаарҵәыра-мпыҵахаларатә режим иаҿагыланы ҳажәлар рықәҧара!

39
30.09.2019 12:12
Рауль Ҳаџьымба: Хашҭра зқәым ари амш аҽны иааирала ихыркәшахеит ақырҭуа шьаарҵәыра-мпыҵахаларатә режим иаҿагыланы ҳажәлар рықәҧара!
Аҧсны Аҳәынҭқарра Ахада Рауль Ҳаџьымба Аҧсны жәлар Аиааиреи Ахьыҧшымреи рымш рыдиныҳәалеит.

Аҟәа. Цәыббрамза 30. Аҧсныпресс. Аҳәынҭқарра Ахада Ахьӡ-Аҧша Амемориал аҧхьа аныҳәатә арратә ыиасра аламҭалазы Аҧсны жәлар Аиааиреи Ахьыҧшымреи рымш рыдиныҳәалеит:

“Акыр иаҧсоу ҳауаажәлар!

Ҳтәыла аҭоурых аҿы иҟоуп иналукааша аҵакы змоу, ҳажәлар рлахьынҵа иузаҟәымҭхо арыцхәқәа. Аха 1993 шықәса цәыббрамза 30 рзы иҟалаз ахҭыс ду даҽа хҭыск иаҳзадкылом. Ари ахҭыс ала ихацыркхеит Аҧсны аполитикатә ҭоурых ҿыц адаҟьақәа. Хашҭра зқәым ари амш аҽны иааирала ихыркәшахеит ақырҭуа шьаарҵәыра-мпыҵахаларатә режим иаҿагыланы ҳажәлар рықәҧара.

Ҳтәыла аҳәынҭқарратә ҳәаақәа рҿы ахаан азы ишьҭыххеит ихьыҧшым Аҧсны Аҳәынҭқарра Абираҟ! Иналукааша ҳмилаҭтә ҧхьагылаҩ, Аҧсны Афырхаҵа, жәлар рҵеи ду Владислав Арӡынба зхадараҿы дгылаз иҧшьоу ари ақәҧараҿы ахамеигӡареи, агәымшәареи аадырҧшит ҳаибашьцәа хьӡырҳәагақәа, ҳадҵаҟаҵаҩцәа, Нхыҵ-Кавказтәи ҳашьцәа, аҳәаанырцәтәи ҳдиаспорақәа, Урыстәылантә, егьырҭ аҳәынҭқаррақәа рыҟнытә хатәгәаҧхарала иааз, абџьар аанкыланы иҳацеибашьуаз, хьаҵрак ҟазымҵаз ҳадгылаҩцәа ҕьеҩқәа!

Ҳара ҳхырхәоит фырхаҵарыла иҭахаз ргәалашәара аҿаҧхьа! Ирзеиҕьаҳшьоит агәамч, анасыҧ, аихьӡара ҿыцқәа ихьыҧшым ҳҳәынҭқарра аргылара иалахәу ҳветеранцәа зегьы! Иҭабуп ҳәа расҳәоит лацәааихьшь ҟазымҵаз, агәырҩеи агәаҟреи рҿаҧхьа зхы лазмырҟәыз ҳфырхацәа ранацәа, рабацәа!

Нагӡара ақәзааит ҳажәлар раӡәкреи, ргәымшәареи, рфырхаҵареи ирылҵшәоу Ҳиааира Ду!  Ишәҭыкакаҷлааит ихьыҧшым ҳаҧсадгьыл Аҧсынтәыла!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа