Ажәабжьқәа

Популярное

Рауль Ҳаџьымба Иури Коков диҧылеит

193
08.09.2017 11:25
Рауль Ҳаџьымба Иури Коков диҧылеит
Аҳәынҭқарра Ахада Рауль Ҳаџьымба Ҟабарда-Балкариатәи Ареспублика ахь аусуратә ҭаара мҩаҧигоит.

Аҟәа. Цәыббрамза 8. Аҧсныпресс. Аҧсны Аҳәынҭқарра Ахада Рауль Ҳаџьымба Ҟабарда-Балкариатәи Ареспубдика  аҭаара аҳәаақәа ирҭагӡаны, Нальчик ақалақь аҿы Ареспублика Ахада Иури Коков диҧылеит. Абри атәы аалыцҳауеит Аҳәынҭқарра Ахада ипресс-маӡаныҟәгаҩ Наала Аҩӡба.

Иури Коков Рауль Ҳаџьымба иҭаара азы ҭабуп ҳәа иаҳәо иазгәеиҭеит: “Ҳара ҳажәларқәа ирыбжьоу ҭоурыхла ишьаҭарку аиашьаратәии аимабзиаратәи аизыҟазаашьақәа ҳасаб рзуны уахәаҧшуазар, уи даҽакалагьы ҟалашьа амаӡам”. 

Аҧсны Ахада Ҟабарда-Балкариантәи 1992-1993 шш. Аҧсны  ахьчараҿы ацхыраара аҭаразы хатәгәаҧхарала иаазҳашьцәа  инарыгӡаз ароль ҷыдала дазааҭгылеит. “Сара Шәара шәбара даара гәахәара дула исыдыскылоит. Ҳара ҳажәларқәа рыбжьара жәытә-натә аахыс аиашьаратә еимадара ҕәҕәа рыбжьоуп, уи ус шаку ҩаҧхьа идырҵабыргеит 1992-1993 шш. Аҧсны ашәарҭара ду ианҭагыла рашьцәа  аҧсуаа ирывагыланы хатәгәапхарала еибашьуаз Ҟабарда-Балкариатәи арҧарцәа. Иҳабжьоу аимабзиаратә аизыҟазаашьақәа аринахысгьы хра злоу анагӡара аиуроуп”, – ҳәа инаҵшьны иазгәеиҭеит Рауль Ҳаџьымба.

Аиҧылара аҿы Аҧсны Аҳәынҭқарра Ахадеи Ҟабарда-Балкариатәи Ареспублика Ахадеи аҩ-ҳәынҭқаррак жәытә-натә аахыс ирыбжьоу адоуҳатәии акультуратәи еимадара азгәарҭеит. Рауль Ҳаџьымбеи Ииури Кокови аҩганктәи аизыҟазаашьақәа анаҩстәи рыҿиара азҵаарақәа ирылацәажәеит. 


(АП): Цәыббрамза 7 инаркны 9 рҟынӡа Рауль Ҳаџьымба Ҟабарда-Балкариатәи Ареспублика Ахада Ииури Коков иааҧхьарала, Урыстәылеи Ҟабарда-Балкариеи рыжәларқәа реидгылара 460-шықәса аҵреи аҳәынҭқарратәра Амш азгәаҭареи ирызку аныҳәатә усмҩаҧгатәқәа рылахәхара азы Ареспублика ахь аусуратә ҭаара мҩаҧигоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа