var _ba = _ba || []; _ba.push(["aid", "09660acced7930fc288966bc3ec915ee"]); _ba.push(["host", "apsnypress.info"]); (function() {var ba = document.createElement("script"); ba.type = "text/javascript"; ba.async = true;ba.src = (document.location.protocol == "https:" ? "https://" : "http://") + "bitrix.info/ba.js";var s = document.getElementsByTagName("script")[0];s.parentNode.insertBefore(ba, s);})();
Ажәабжьқәа

Популярное

Рауль Ҳаџьымба: иааиуа ашықәс азы Егрытәи Аӡфымцастанциа аҿы зымҽхак ҭбаау аиҭашьақәыргыларатә усурақәа хацыркхоит

206
27.12.2016 15:40
Рауль Ҳаџьымба: иааиуа ашықәс азы Егрытәи Аӡфымцастанциа аҿы зымҽхак ҭбаау аиҭашьақәыргыларатә усурақәа хацыркхоит
Аҧсны Ахада Рауль Ҳаџьымба ихыркәшахо ашықәс аихшьаалақәа ирызкыз апресс-конференциа аҿы афымцамчтә усхкы иадҳәаланы зымҩаҧгара азҧхьагәаҭоу аиҭашьақәыргыларатә усурақәа дырзааҭгылеит.

Аҟәа. Ҧхынҷкәын 27. Аҧсныпресс. Елена Полуиан. Аҧсны Ахада Рауль Ҳаџьымба афымцамчтә усхкы иадҳәаланы зымҩаҧгара азҧхьагәаҭоу аиҭашьақәыргыларатә усурақәа рзы Аҧсныпресс акорреспондент изҵаара аҭак ҟаҵо, ари ахырхарҭаҿы аҭагылазаашьа “акыр иуадаҩуп” ҳәа азгәеиҭеит. Аҳәынҭқарра Ахада иажәақәа рыла, афымцамч ахархәара есышықәса иацлоит, уи инамаданы, акраамҭа инеиҧынкыланы ҧсахрада ахархәара змоу афымцамҩангагатә цәаҳәақәа ироуа ақәыҕәҕәара рзычхаӡом. Арахь, “адунеи аҿы иҟоу ирҿырҧшны зегь раасҭа илаҟәу атариф шышьақәырҕәҕәоугьы”, ауаа рхы иадырхәо афымцамч ахәҧса ашәара аҽақәыршәара рцәыуадаҩуп ҳәа азгәеиҭеит. Рауль Ҳаџьымба ауааҧсыреи анаплакқәеи рыбжьара ахшәааратә дисциплина арҕәҕәара хымҧадатәиуп ҳәа инаҵшьны иазгәеиҭеит.

Рауль Ҳаџьымба Аҧсни Урыстәылеи рыбжьара афымцамчтә усхкы ҳәаақәызҵо аусшәҟәқәа ыҟоуп ҳәа азгәеиҭеит. “Аха урҭ – атәылаҿы иҟоу азҵаарақәа зегьы рыӡбара рылшом. Зегьы реиҳа хадара злоу зҵаараны иҟоу ахыҵхырҭатә станциа ахаҭа акәӡам иуашәшәыроу, уи афымцамч мҩанызго ацәаҳәақәа роуп есыҽны иҧхасҭахо. Ҳатрансформаторқәа зегьы рхархәаразы ирзаҧҵәаз аамҭа нҵәеижьҭеи акрааҵуеит. Убри аҟнытә, есышықәса жәабала атрансформатолрқәа раахәара ҳақәшәоит, аха, ус ишыҟоугьы, афымцамч ҩныцыҧхьаӡа анагара ахаҭабзиара аиҕьтәразы уи ахыҧхьаӡара азхом”, – ҳәа иҳәеит Рауль Ҳаџьымба.

Аҳәынҭқарра Ахада иарбоу аусхкы аиҭашьақәыргыларазы иазҧхьагәаҭоу ауснагӡатәқәа дырзааҭгылеит: ”иааиуа ашықәс азы, Егрытәи Аӡфымцастанциа аҿы акыр зымҽхак ҭбаау аусурақәа рымҩаҧгара ҳалагар алшоит: акыр аамҭа ҧсахрада аус зухьоу аӡымҩангагақәа ҩба аанкыланы, урҭ реиҭашьақәыргылара иашьашәалоу аусурақәа мҩаҧгатәхоит. Уи, шықәсык аҟынӡа аамҭа агоит. Иарбоу аамҭахәҭа иалагӡаны афымцамч Урыстәылантәи аагаразы аилацәажәарақәа рымҩаҧгара хымҧадатәиуп. Афымцеихшарҭатә станциақәа реиҭашьақәыргылара иадҳәаланы зымҽхак ҭбаау аусурақәа нагӡатәхоит. Иааиуа 2017-тәи ашықәс азы иарбоу аусурақәа хацыркхап ҳәа агәра ганы сыҟоуп”.

Убри аан, Рауль Ҳаџьымба аенергетикцәа русура азгәеиҭеит: “арҭ амшқәа рзы “Амшынеиқәафымцамч” аусзуҩцәа ирылдыршаз даараӡа ирацәоуп. Есуаха, раионцыҧхьаӡа ҩба-хҧа трансформатор аусура аанкылоит, афымцамҩангагатә цәаҳәақәа ҿыблаауеит. Аха арҭ ауаа есымша русуратә ҭыҧ аҿы иҟоуп!”

Аҳәынҭқарра Ахада Ашықәс ҿыцтәи аныҳәатә ҧсшьарамшқәа рзы афымцамчтә усхкы аиҿкаара шыҟало атәы далацәажәеит: “Ашықәс ҿыц аухеи, анаҩстәи аныҳәатә ҧсшьарамшқәеи рзы афымцамҩангагатә цәаҳәақәа ироуа ақәыҕәҕәара еиҳа армаҷразы Урыстәылатәи агани ҳареи аиҿцәажәарақәа мҩаҧаагеит. Убасала, Мраҭашәаратәи аган Урыстәылантәи афымцамч аиулоит, Мрагыларатәи аган – Егрытәи Аӡфымцастанциа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа